REPUBLIKA E KOSOVËS 

KOMISIONI QENDROR I ZGJEDHJEVE 

 
RREGULLORE 

Nr. 01 / 2017 


PËR ORGANIZIMIN E BRENDSHËM DHE SISTEMATIZIMIN E VENDEVE TË 
PUNËS NË SEKRETARIATIN E KOMISIONIT QENDROR TË ZGJEDHJEVE 

 
Prishtinë, 2017 

 
Komisioni Qendror i Zgjedhjeve 

Në pajtim me nenin 139 të Kushtetutës së Republikës së Kosovës, nenin 3.7 të Ligjit Nr. 03/L-149 
për Shërbimin Civil, si dhe në pajtim me nenin 59, 63.7, 128.2 të Ligjit Nr. 03/L-073 për zgjedhjet e 
përgjithshme në Republikën e Kosovës, Aktgjyktimin e Gjykatës Kushtetuese Nr. KO73/2016, dhe 
nenin 17 të Rregullores së punës të Komisionit Qendror të Zgjedhjeve, nxjerr: 

RREGULLORE 

Nr. 01/2017 

 
PËR ORGANIZIMIN E BRENDSHËM DHE SISTEMATIZIMIN E VENDEVE TË PUNËS TË 
SEKRETARIATIT TË KOMISIONIT QENDROR TË ZGJEDHJEVE 

 
KAPITULLI I 

DISPOZITAT E PËRGJITHSHME 

 
Neni 1 

Qëllimi 

Kjo rregullore përcakton organizimin e brendshëm të Sekretariatit të Komisionit Qendror të 
Zgjedhjeve (SKQZ), përfshirë: formimin, funksionet dhe përgjegjësitë e njësive organizative; 
sistematizimin e vendeve të punës; përcaktimin e niveleve përkatëse drejtuese të udhëheqësve të 
njësive organizative, autorizimet dhe përgjegjësitë e tyre, si dhe përshkrimet e detyrave të punës për 
nëpunësit e SKQZ-së, me qëllim të kryerjes efikase të detyrave të punës, që janë caktuar me 
legjislacionin në fuqi. 

 
 Neni 2 

Fushëveprimi 

 
Dispozitat e kësaj rregulloreje zbatohen për të gjitha njësitë organizative dhe nëpunësit e Sekretariatit të 
Komisionit Qendror të Zgjedhjeve (në tekstin e mëtejmë: Sekretariati). 

 
 Neni 3 

Parimet e organizimit dhe funksionimit të brendshëm 

 
1. Sekretariati pëmbush detyrat e tij në mënyrë efektive dhe ushtron aktivitetin e tij institucional dhe 
administrativ në mënyrë transparente dhe të përgjegjshme, profesionale, me paanshmëri dhe ne 
mënyrë të pavarur. 


2. Organizimi dhe funksionimi i brendshëm i KQZ-së bazohet në këto parime: 


Ligjshmëria: Përmbushim funksionet dhe të gjitha aktivitetet tona në bazë të akteve ligjore dhe 
nënligjore. 

 
Profesionalizmi dhe paanshmëria: Ushtrojmë përgjegjësitë tona në mënyrë të pavarur dhe të paanshme. 

 
Transparenca dhe llogaridhënia: Jemi të hapur dhe llogaridhënës në veprimet tona dhe sigurojmë qasje 
në informata relevante për të gjitha palët. 

 
Efikasiteti dhe efektiviteti: Angazhohemi që në mënyrë efikase të ofrojmë shërbime cilësore në bazë të 
standardeve më të larta. 

 
Gjithëpërfshirja dhe barazia: Ofrojmë kushte dhe mundësi të barabarta për pjesëmarrjen e të gjitha 
grupeve në zgjedhje. 

 
Inovacioni dhe përmirësimi i vazhdueshëm: Rishikojmë në mënyrë të vazhdueshme sistemin e punës 
dhe praktikat në mënyrë që të jenë në hap me kohën duke aplikuar metoda inovative. 

 
Koordinimi dhe kontrolli: Angazhohemi për besueshmeri dhe pranueshmëri të publikut në zgjedhje dhe 
në procesin demokratik në përgjithesi. 

 
Neni 4 

Kompetencat dhe përgjegjësitë e Sekretariatit 

Përgjegjësitë e Sekretariatit 

 
1. Sekretariati ndihmon veprimtarinë e Komisionit Qendror të Zgjedhjeve, në kryerjen e përgjegjësive dhe 
funksioneve të saj të përcaktuara në ligj dhe është përgjegjës, për: 

 
1.1. Sigurimin e ndihmës së nevojshme administrative për KQZ-në; 

1.2. Përgatitjen e raporteve, rekomandimeve për vendimet e KQZ-së dhe zbatimin e vendimeve të 
KQZ-së; 

1.3. Ndërmarrjen e të gjitha masave për të ndihmuar dhe siguruar mbajtjen e 


zgjedhjeve të lira, të drejta dhe të mirë-informuara, në një atmosferë të tolerancës 

demokratike, paqes dhe respektit për sundimin e ligjit; 

1.4. Përgatitjen e listës së votuesve dhe ndërmarrjen e të gjitha aktiviteteve që ndërlidhen me të; 
1.5. Përgatitjen e rekomandimeve për regjistrimin e partive politike, certifikimin e subjekteve politike 


dhe akreditimin e vezhguesve; 

1.6. Lidhjen e marrëveshjeve me palët e treta në emër të KQZ-së, pas miratimit nga 


KQZ-ja, duke u mbështetur në procedurat e themeluara nga KQZ-ja; 

1.7. Ndërmarrjen e të gjitha aktiviteteve për emërimin e KKZ-ve, KVV-ve, si dhe trajnimin e tyre; 
1.8. Ndërmarrjen e aktiviteteve për informimin dhe edukimin e votuesve; 
1.9. Përgatitjen e drafteve për të gjitha aktet e referuara në ligj, të cilat miratohen nga KQZ-ja; 
1.10. Publikimin me kohë të të gjitha rregullave zgjedhore në faqen e internetit të KQZ-së; 


1.11. Identifikimin, vlerësimin e qendrave të votimit dhe publikimin e lokacioneve të sakta të të gjitha 

 qendrave të votimeve, si dhe kryerjen e detyrave dhe përgjegjësive të tjera të përcaktuara me 

 legjislacionin në fuqi nga KQZ-ja; 

1.12. Të gjitha strukturat organizative në kuadër të Sekretariatit shërbejnë për përkrahjen e KQZ-së në 


 kryerjen e funksioneve dhe përgjegjësive të përcaktuara me Kushtetutë, ligj dhe me legjislacionin 


 tjetër përkatës në fuqi; 

1.13. Marrëdhëniet ndërmjet strukturave organizative të SKQZ-së janë marrëdhënie bashkëpunimi. 
1.14. Gjatë ushtrimit të detyrës, vartësit duhet t’i binden dhe t’i raportojnë me përgjegjësi eprorit për 


 detyrat e ngarkuara, në përputhje me dispozitat ligjore në fuqi; 

1.15. Ndërmerr aktivitete kërkimore për operacione zgjedhore; 
1.16. Bën pranimin, grumbullimin, tabulimin dhe publikimin e rezultateve. 
1.17. Në kryerjen e përgjegjësive dhe funksioneve të Komisionit Qendror të Zgjedhjeve i ndihmon 
Sekretariati. 
1.18. . Zyra e ngarkuar me përgjegjësi rreth Regjistrimit të Partive Politike funksionon si pjesë e 
Sekretariatit të KQZ-së. 
1.19. Sekretariati KQZ-së i zbaton vendimet e KQZ-së, përgatitë raporte, rekomandime për vendime të 
KQZ-së dhe siguron ndihmë tjetër të nevojshme administrative për KQZ-në. Sekretariati, gjithashtu, 
e asiston KQZ-në në zbatimin e funksioneve dhe përgjegjësive të cilat i janë caktuar në 
pajtueshmëri me këtë ligj dhe me instrumentet ndihmëse të përmendura më poshtë. 


1.20. Pas miratimit nga KQZ-ja, Sekretariati lidhë marrëveshje me palën e tretë, në emër të KQZ-së, duke 
u mbështetur në procedurat e themeluara nga KQZ-ja. 


KAPITULLI II 

 ORGANIZIMI I BRENDSHËM DHE FUNKSIONIMI 


Neni 5 

Organizimi i Sekretariatit 


1. Sekretariati përbëhet nga këto njësi: 

 
1.2 Kryeshefi Ekzekutiv i Sekretariatit, 
1.3 Zyra e Partive Politike dhe Certifikim, 
1.4 Departamentet, 
1.5 Divizionet, 
1.6 Njësitë dhe shërbimet e tjera. 


Neni 6 

Struktura organizative e Sekretariatit 

 
1. Për kryerjen efikase të përgjegjësive, autorizimeve dhe detyrave të punës që i janë caktuar, për 
shërbimet administrative në menyrë profesinonale, Sekretariati ka strukturë të organizimit si në 
vijim: 
1.1 Kryeshefi Ekzekutiv i Sekretariatit; 
1.1.1 Zyra e Kryeshefit Ekzukitv, 
1.1.2 Zyra e Partive Politike dhe Certifikim, 
1.1.3 Departamenti për Çeshtje Ligjore, 
1.1.4 Departamenti i Operacioneve Zgjedhore, 
1.1.5 Departamenti për Administratë dhe Përkrahje, 
1.1.6 Departamenti i Teknologjisë Informative, 
1.1.7 Departamenti i Kordinimit në Terren, 


1.1.8 Njësia e Auditimit të Brendshem, 
1.1.9 Njësia e Prokurimit, 
1.1.10 Njësia e Qendrës së Numërimit dhe Rezultateve, 
1.1.11 Zëdhënësi i KQZ-së, 
1.1.12 Asistenti i Kryetarit të KQZ-së. 


2. Sekretariati drejtohet nga Kryeshefi Ekzekutiv (KE), i cili i përgjigjet drejtpërdrejt KQZ-së. 
3. Zyra për Regjistrimin e Partive Politike dhe Certifikim drejtohet nga Drejtori Ekzekutiv i Zyrës, i 
cili i raporton drejtpërdrejt KQZ-së, ndërsa sa i përket përgjegjësive administrative, i përgjigjet 
KE-së. 
4. Departamenti drejtohet nga drejtori i departamentit i cili i përgjigjet drejtpërdrejt KE-së. 
5. Udhëheqësi i Zyrës së Auditimit të Brendshëm në SKQZ, i raporton KQZ-së nëpërmjet komitetit 
të Auditimit. 
6. Departamenti mund të ndahet në divizione apo dhe në njësi. Këto njësi organizative drejtohen nga 
udhëheqësit përkatës të njësive, të cilët u raportojnë drejtorëve të departamenteve përkatëse. 
7. Udhëheqësit përkatës të njësive organizative brenda SKQZ-së, zgjidhen nga zyrtarët e SKQZ-së, 
në pajtim me aktetet e brendshme të KQZ-së. 
8. Njësia e Qendrës së Numërimit dhe Rezultateve drejtohet nga udhëheqësi, i cili i përgjigjet 
drejtperdrejt KE-së. 
9. Struktura organizative e SKQZ-së përcakton shkallën e hierarkisë dhe përgjegjësisë së 
funksioneve në marrëdhënie me njëra-tjetrën. 


KAPITULLI III 

Funksionet e njësive të Sekretariatit 

 
Neni 7 

Zyra e Kryeshefit Ekzekutiv të SKQZ-së 

 
1. Zyra e Kryeshefit Ekzekutiv të Sekretariatit është në funksion të mbarëvajtjes së 
punës së KE-së, si dhe kordinon punën me strukturat e tjera të 
Sekretariatit. 
2. Në sistematizimin e vendeve të punës në Zyrën e Kryeshefit Ekzekutiv, 
përfshihen: 
11.1 Kryeshefi Ekzekutiv (një pozitë) 
11.2 Zëvendëskryeshef Ekzkeutiv (një pozitë) 
11.3 Njësia e Auditimit (një pozitë) 
11.4 Njësia e Prokurimit (një pozitë) 


11.5 Njësia e Qendrës së Numërimit dhe Rezultateve (një pozitë) 
11.6 Zyrtari i Lartë Certifikues (një pozitë) 
11.7 Asistent Ekzekutiv i KE-së. (një pozitë) 
11.8 Zyrtar Kryesor Financiar ( nje pozite e planifikuar) 


Neni 8 

Përgjegjësitë e Kryeshefit Ekzekutiv të Sekretariatit 

 
KE-ja është përgjegjës për: 


1. Administrimin dhe menaxhimin e Sekretariatit për të siguruar se funksionet e caktuara të tij 
përmbushën në mënyrë efikase; 
2. Sigurimin që vendimet dhe masat tjera të KQZ-së të zbatohen në mënyrë efikase; 
3. Organizimin e agjendës së takimeve të KQZ-së dhe trupave të tjerë të KQZ-së, në bashkpunim 
me kryesuesit përkatës dhe sigurimin e tërë materialit të nevojshëm para çdo takimi; 
4. Raportimin në KQZ për të gjitha detyrat e Sekretariatit, me përjashtim të Drejtorit Ekzekutiv të 
Zyrës për Regjistrimin e Partive Politike dhe Certifikim; Sigurimin e udhëzimeve të duhura për 
KQZ-në dhe këshillave të paanshme e profesinale nga Sekretariati; 
5. Organizimin e Sekretariatit dhe nxjerrjen e procedurave administrative lidhur me çështjet të cilat i 
përkasin; 
6. Menaxhimin e nëpunësve civilë dhe punonjësve të tjerë; 
7. Menaxhimin efektiv dhe efikas të burimeve njerëzore dhe financiare të Sekretariatit; 
8. Sigurimin e rekrutimit, organizimit, gradimit dhe menaxhimin e nëpunësve civilë të SKQZ-së, në 
bazë të parimit të meritës; 
9. Zbatimin e politikave jo-diskriminuese ndaj personelit të Sekretariatit, përfshirë përfaqësimin e 
drejtë gjinor në të gjitha fushat dhe nivelet, si dhe garantimin që përbërja e stafit të Sekretariatit e 
reflekton karakterin shumetnik të Kosovës; 
10. Nxjerrjen e vendimeve për kryerjen e përgjegjësive të tij; 
11. Kryerjen e detyrave të tjera të përcaktuara nga KQZ-ja. 
12. Kryeshefi Ekzekutiv është nëpunësi më i lartë civil në Sekretariat dhe është Zyrtari Kryesor 
Administrativ i Sekretariatit (Në tekstin e mëtejmë: ”ZKA”) 
13. KE-ja drejton veprimtarinë e Sekretariatit, e përfaqëson at. dhe vepron në emër të tij. 
14. KE-ja është përgjegjës për ushtrimin e veprimtarisë së Sekretariatit dhe kryen detyra të tjera, 
brenda kompetencave që ka, në zbatim të ligjit e t. akteve nënligjore në fuqi. 
15. Kryeshefi Ekzekutiv merr pjesë në të gjitha takimet e KQZ-së dhe të trupave të tjerë. 
16. Kriteret dhe procedura e përzgjedhjes së Kryeshefit Ekzekutiv, jane të rregulluara me ligj dhe akt 
të veçantë nënligjor. 
17. Detyrat dhe pergjegjesitë e tjera kryesore përcaktohen në Rregulloren për përshkrimin e 


detyrave të punës dhe klasifikimin e vendeve të punës në KQZ. 

 
Neni 9 

Zëvendëskryeshefi Ekzekutiv i Sekretariatit 

 
1. Zëvendësi i Kryeshefit Ekzekutiv (Në tekstin e mëtejmë: “Zëvendësi i KE-së” apo ZVKE) i 
Sekretariatit zëvendëson Kryeshefin në mungesë të tij dhe kryen punët dhe përgjegjësitë e 
përcaktuara sipas fushave përkatëse të caktuara nga Kryeshefi Ekzekutiv. 


2. Zëvendësi i KE-së të Sekretariatit të KQZ-së i përgjigjet KE-së. 

 
Neni 10 

Ushtrimi i detyrës së Kryeshefit Ekzekutiv 

 
1. Në rast të mbetjes hapur të pozitës së Kryeshefit Ekzekutiv, ushtrimin e detyrës së KE-së e bën 
ZVKE-ja, ndërsa në rast të mungesës edhe të ZVKE-së, ushtruesi i detyrës së KE-së është drejtori i 
Departamentit për administratë dhe përkrahje apo njëri nga drejtorët e departamenteve. 


2. Në rastet e mungesës së udhëheqësve të pozitave të përcaktuara në paragrafin një të këtij neni, 
atëherë ushtruesi i detyrës emërohet nga KQZ-ja nga radhët e drejtorëve të SKQZ-së. 

 
Neni 11 

Zyra për Regjistrimin e Partive Politike dhe Certifikim 

 
1. Detyrat dhe përgjegjesitë e Zyrës për Regjistrimin e Partive Politike dhe Certifikim (në tekstin e 
metejmë “Zyra”) janë: 


1.1. Mbajtja dhe azhurnimi i regjistrit të subjekteve politike, 

 
1.2 I rekomandon KQZ-së për ose kundër regjistrimit të partive politike, certifikimit të 
subjekteve politike dhe kandidatëve që do të përfshihen në fletvotim, si dhe akreditimin e 
organizatave dhe vëzhguesve të tyre. 


1.3 I rekomandon KQZ-së për caktimiin e kufizimit të shpenzimit të fushatave zgjedhore të 
subjekteve politike; 
1.4 Pranon raportet e deklarimit financiar të fushatës dhe raportet e shpenzimeve vjetore të SP-ve 
dhe njofton KQZ-në; 
1.5 Raporton në KQZ për secilën pagesë administrative të mbledhur dhe të transferuar në 
buxhetin e Kosovës; 
1.6 Monitoron kuvendet zgjedhore të partive politike; 


1.7 Publikimi i dosjes së informimit publik lidhur me donacionet e subjekteve politike; 
1.8 Trajnimi i përfaqësuesve financiarë të SP-ve. 


1.7 Zyra udhëhiqet nga drejtori ekzekutiv i cili i raporton drejtpërdrejt KQZ-së dhe 
funksionon si pjesë e Sekretariatit të KQZ-së. 


1.8 Në sistematizimin e vendeve të punës në Zyrën për Regjistrimin e Partive Politike dhe 
Certifikim përfshihen katër (4) pozita; 

 
1.8.1 Drejtori Ekzekutiv i Zyrës; (një pozitë) 

1.8.2 Zyrtar i Lartë Ligjor (një pozitë) 

1.8.3 Zyrtar i Lartë për Regjistrim të Partive Politike (një pozitë) 

1.8.4 Zyrtar i Lartë për Certifikim të Subjekte Politike (një pozitë) 

 
Neni 12 

Departamenti për Çështje Ligjore 


Detyrat dhe përgjegjësitë e Departamentit për Çështje Ligjore (në tekstin e mëtejmë; “DÇL”) janë: 

1. Harton legjislacionin sekondar (aktet nënligjore), në konsultim me departamentet e tjera të SKQZ-së 
dhe Këshillat e KQZ-së), të cilat miratohen nga KQZ-ja. 
2. Pranimi i kërkesave për zëvendësimin e anëtarëve të kuvendeve komunale, shqyrtimi dhe procedimi 
në këshilla dhe KQZ. 
3. Harton marrëveshje bashkëpunimi ndërmjet KQZ-së dhe institucioneve të tjera; 
4. Administron procesin e ankimeve zgjedhore, përgatit dosjet përkatëse për çdo ankim të paraqitur dhe 
i vë në dispozicion të anëtarëve të KQZ-së brenda afateve dhe mënyrës së përcaktuar në Ligjin për 
Zgjedhjet dhe akte të KQZ-së; 
5. Përfaqëson KQZ-në në organet gjyqësore në të gjitha shkallët e gjykimit, për çështjet ku KQZ-ja 
është palë; 
6. Siguron që aktet nënligjore të propozuara dhe të hartuara nga KQZ-ja të jenë të bazuara në 
legjislacionin në fuqi; 
7. Jep këshilla juridike, rekomandime, udhëzime dhe interpretime ligjore për KQZ-në dhe Sekretariatin; 
8. Departamenti udhëhiqet nga drejtori i departamentit, i cili i përgjigjet dhe i rapoton Kryeshefit 
Ekzekutiv. 
9. Në sistematizimin e vendeve të punës në Departementin për Çështje Ligjore, përfshihen tri (3) pozita: 
9.1. Drejtori i Departamentit për Çështje Ligjore; (një pozitë) 
9.2. Zytar i Lartë Ligjor Një i planifikuar(dy pozita) 


Neni 13 
Departamenti për Operacione Zgjedhore 

 
1. Detyrat dhe përgjegjësitë e Departamentit për Operacione Zgjedhore (Në tekstin e mëtejmë: 
DOZ), janë: 


1.1. Zbatimi i aktiviteteve të nevojshme për të gjitha çështjet operacionale që kanë të bëjnë 
me përgatitjet e zgjedhjeve dhe referendumeve; 


1.2. Hartimi dhe zbatimi i Planit Operativ të Zgjedhjeve; 

 
1.3. Ndërmarrja e të gjitha aktiviteteve që kanë të bëjnë me kriijimin e listës së votuesve; 


1.4. Planifikimi dhe organizimi i trajnimeve për trupat zgjedhorë dhe stafin mbështetës; 

 
1.5. Planifikimi dhe organizimi i edukimit dhe informimit të votuesve. 

 
1.6. Organizimi dhe zbatimi i aktiviteteve në operacionin e votimit jashtë Kosovës dhe 
regjistrimin e personave me nevoja dhe rrethana të veçanta. 


1.7. Kryen detyrat dhe përgjegjësitë tjera të përcaktuara me legjislacionin në fuqi dhe nga KE-
ja. 


1.8 Departamenti udhëhiqet nga drjetori i departamentit, i cili i përgjigjet dhe i rapoton 
Kryeshefit Ekzekutiv. 


1.9 Departamenti është i përberë nga tri divizione; 

 
1.1.1. Divizioni për Shërbimin e Votuesve, 
1.1.2. Divizioni për Informim dhe Edukim, 
1.1.3. Divizioni për Trajnime. 


Neni 14 

Divizioni për Shërbimin Votues 

 
Detyrat dhe përgjegjësitë e Divizionit per Sherbimin Votues (Në tekstin e mëtejmë: “DSHV”), janë: 

 
1. Krijon, mirëmban dhe siguron cilësinë e listës së votuesve; 
2. Koordinon zbatimin e të gjitha operacioneve të shërbimit të votuesve në terren; 
3. Udhëheq dhe mbikëqyrë Operacionin e Votimit përmes Postës, duke përfshirë periudhën e 
regjistrimit të votuesve jashtë Kosovës dhe Periudhën e Votimit; 
4. Udhëheq dhe mbikëqyrë procesin e regjistrimit të votuesve me nevoja dhe rrethana të veçanta; 
5. Harton dhe mbikëqyrë projekte të ndryshme që lidhen me shërbimin e votuesve; 
6. Kujdeset, ruan dhe siguron të dhënat personale të votuesve; 
7. Bërjen e Listës së Votuesve të disponueshme në Zyrat e Komisioneve Komunale të Zgjedhjeve 
(KKZ-së) në secilën komunë, në bashkëpunimin me Koordinatorin e Zyrtarëve të Lartë 
Komunalë të Zgjedhjeve, sikurse është përcaktuar me rregullat e KQZ-së dhe në pajtim me 
rregullat për mbrojtjen e të dhënave. 
8. Pas autorizimit nga KQZ-ja apo KE-ja, bashkëpunon dhe koordinon punën me institucionet 
përkatëse qe merren me regjistrin civil. 
9. Divizioni i Shërbimit Votues udhëhiqet nga Udhëheqësi i Divizionit, i cili i përgjigjet dhe i 
raporton Drejtorit të Operacioneve Zgjedhore. 
10. Në sistematizimin e vendeve të punës në Divizionin e Shërbimit Votues, përfshihen dy (2) pozita. 
. Udhëheqësi i Divizionit të Shërbimit Votues (një pozitë) 
. Zyrtar i Lartë i Listës Votuese (një pozitë). 


Neni 15 

Divizioni i Trajnimit 

 
Detyrat dhe përgjegjësitë e Divizionit të Trajnimit (në tekstin e mëtejmë “DT”) janë: 

 
1 Përpilimi dhe zbatimi i programeve të trajnimit në procedurat e regjistrimit, votimit dhe 
numërimit për procesin zgjedhor; 
2 Planifikimi dhe mbikëqyrja e trajnimeve për KKZ, KVV dhe staf mbështetës; 
3 Planifikimi dhe mbikëqyrja e trajnimeve për stafin e Sekretariatit; 
4 Krijimi i Doracakëve dhe Pakove të Trajnimit për proces zgjedhor; 
5 Zbatimi i programeve të trajnimit për stafin e përkohshëm zgjedhor; 
6 Hartimi i planeve të trajnimit për trupat menaxhuese të zgjedhjeve, në nivel qendror dhe komunal. 
7 Në sistematizimin e vendeve të punës në Njësinë e Trajnimit përfshihen dy (2) pozita: 


. Udhëheqës i Divizionit të Trajnimit (një pozitë) 
. Zyrtar i Lartë i Trajnimit (një pozitë e planifikuar). 


Neni 16 

Divizioni i Informimit dhe Edukimit 

 
Detyrat dhe përgjegjësitë e Divizionit të Informimit dhe Edukimit (në tekstin e metejm “NjIE”) janë: 

 
1. Hartimi i strategjisë dhe planeve për informimin dhe edukimin e votuesve; 
2. Planifikimi, hartimi, mbikëqyrja dhe zbatimi i projekteve për informimin dhe edukimin e 
votuesve; 
3. Ndërmarrja e aktiviteteve për informimin dhe edukimin e votuesve të grupeve të caktuara; 
4. Përgatitja e materialeve të përshtatshme për transmetim në radio dhe televizion për informimin e 
publikut për procesin zgjedhor në Kosovë; 
5. Perkujdeset që Zëdhënësi i KQZ-së dhe KE-ja të informohen për çështjet dhe aktivitetet kryesore 
të KQZ-së; 
6. Përgatit materiale të shkruara dhe elektronike për botim dhe shpërndarje që njoftojnë publikun 
për aktivitetet e KQZ-së; 
7. Sigurohet për të ekspozuar ose publikuar, në secilin vendvotim, në ditën e zgjedhjeve, materiale 
të shtypura, të dizajnuara dhe të përgatitura në emër të KQZ-së; 
8. Siguron qe materialet dhe dokumentet që publikohen apo botohen të redaktohen dhe lekturohen; 


9. Divizioni për Informim dhe Edukim udhëhiqet nga Udhëheqësi i Divizionit, i cili i përgjigjet dhe 
i rapoton Drejtorit të Operacioneve Zgjedhore. 
10. Në sistematizimin e vendeve të punes në Njësinë për Informim të votuesve përfshihen dy (2) 
pozita: 
10.11 Udhëheqës i Divizionit per Informim dhe Edukim (një pozitë) 
10.12 Zyrtar i Lartë për Informim dhe Edukim (një pozitë). 


Neni 17 

Departamenti për Administratë dhe Përkrahje 

 
1. Detyrat dhe përgjegjësitë e Departamentit për Administratë dhe Përkrahje (Në tekstin e mëtejmë: 
DAP), janë: 


1.1. Ofrimi i shërbimeve të nevojshme administrative për KQZ-në; 
1.2. Zbatimi i politikave që kanë të bëjnë me administratën e KQZ-së; 
1.3. Planifikimi dhe përgatitja e buxhetit të KQZ-së, përpilimi dhe kontrollimi i raporteve 
periodike finaciare, si dhe i pasqyrave financiare. Përcjellja e ecurisë së shpenzimeve të 
buxhetit në perputhje me linjat përkatëse buxhetore për të siguruar mbarëvajtje të 
menaxhimit financiar dhe të kontrollit të shpenzimeve; 
1.4. Mbikëqyrja e të gjitha aspekteve të raportimit buxhetor nga ana e SKQZ-së dhe ushtrimin 
e të gjitha funksioneve që i janë dhënë ZKF-së sipas legjislacionit në fuqi; 
1.5. Ofrimi i shërbimeve administrative në lëmin e personelit dhe çështjet të tjera që kanë të 
bëjnë me menaxhimin e burimeve njerëzore në Sekretariat, në pajtim me legjislacionin në 
fuqi; 
1.6. Shpërndarja e mjeteve të fondit për mbështetje të partive politike dhe ekzekutimi i 
pagesave për grupet parlamentare; 


1.7. Ofrimi i shërbimeve të përkthimit për nevojat e KQZ-së; 
1.8. Sigurimi dhe funksionimi i logjistikës, transportit, deponimit, materialeve për zyre, 
dokumentacionit, materialeve zgjedhore për zgjedhje dhe infrastrukturën e Sekretariatit; 
1.9. Ruajtja dhe sistemimi i të gjitha dokumenteve zyrtare të KQZ-së, në pajtim me rregullat 
dhe procedurat e përcaktuara me legjislacionin përkatës për arkivim. Mirëmban, 
menaxhon dhe administron sistemin e arkivës. 


2. Departamenti udhëhiqet nga drjetori i departamentit, i cili i përgjigjet dhe i rapoton Kryeshefit 
Ekzekutiv. 
3. Departamenti i Administratës dhe Përkrahjes përbvhet nga këto divizione: 
3.1. Divizioni për Buxhet dhe Financa, 
3.2. Divizioni per Personel dhe Shërbime të Përbashkëta, 


3.3. Divizioni për Logjistikë dhe Transport. 


Neni 18 

Divizioni për Buxhet dhe Financa 

 
1. Detyrat dhe përgjegjësitë e Divizionit për Buxhet dhe Financa (në tekstin e mëtejmë “DBF) janë: 


1. Planifikimi dhe përgatitja e KASH-it dhe buxhetit të KQZ-së; 
2. Regjistrimi i të gjitha transaksioneve në Regjistrin e Kontabilitetit të Thesarit dhe përcjellja e 
ecurisë së shpenzimeve; 
3. Mbikqyrja dhe ekzekutimi i të gjitha faturave të rregullta për pagesë përmes sistemit të 
thesarit; 
4. Shpërndarja e mjeteve të fondit për mbështetje të partive politike dhe ekzekutimi i pagesave 
për grupet parlamentare; 


5. Raportimi periodik dhe vjetor i buxhetit të shpenzuar të KQZ-së; 


6. Mirëmbajtja edhe evidentimi i pasurisë jofinanciare të KQZ-së. 
2. Divizioni për Buxhet dhe Financa udhëhiqet nga Udhëheqesi i Divizionit, i cili i përgjigjet dhe i 
raporton drejpërdrejt Drejtorit të Departamentit. 
3. Në sistematizimin e vendeve të punës në Divizionin për Buxhet dhe Financa përfshihen katër (4) 
pozita: 
3.1. Udhëheqës i Divizionit, (një pozitë) 
3.2. Zyrtar i Lartë për Buxhet dhe Financa, (një pozitë) 
3.3. Zyrtar i Lartë për Financa, (një pozitë) 
3.4. Zyrtar i Lartë për të Hyra dhe Fondin e Partive Politike. (një pozitë). 


Neni 19 

Divizioni i Personelit dhe Shërbimeve të Perbashkëta 

 
1. Detyrat dhe përgjegjësitë e Divizionit të Personelit dhe Shërbimeve të Përbashkëta (Në tekstin e 
mëtejmë:”DPShP), janë: 


1. Organizimi dhe menaxhimi i procesit të rekrutimit, në përputhje me legjislacion në fuqi; 
2. Ofrimi i shërbimeve administrative në lëmin e personelit të SKQZ-së, në pajtim me rregulloret e 
KQZ-së dhe legjislacionin tjetër në fuqi, që ka të bëjë me menaxhimin e burimeve njerëzore; 
3. Përgatitja e rekomandimeve dhe raporteve për vendime, si dhe zbatimin e vendimeve të KQZ-së; 
4. Këshillimi dhe ofrimi i ndihmës për procesin e vlerësimeve të rezultateve në punë për nëpunësit 
në Sekretariat; 


5. Përcjell dhe ndihmon punën e Komisionit për Ankesa dhe Komisioit Disiplinor në KQZ; 
6. Koordinon, menaxhon dhe ofron shërbime administrative të përkthimit dhe arkivimit për të gjitha 
njësitë. 
7. Divizioni për Personel dhe Shërbime të Përbashkëta udhëhiqet nga Udhëheqësi i Divizionit, i cili 
njëherësh është edhe Menaxher i Personelit në Sekretariat, që i përgjigjet dhe raporton 
drejtpërdrejt drejtorit të DAP-it. 


11. Në sistematizimin e vendeve të punvs në Divizionin për Personel dhe Shërbime të Përbashkëta 
përfshihen pesë (pozita): 

 
11.1 Udhëheqës i Divizionit të Personelit dhe Shërbimeve të Përbashkëta (një pozitë) 

11.2 Zyrtar të Lartë për përkthim; (tre pozita) 

11.3 Zyrtar i Lartë i Arkivës (një pozitë). 

 
Neni 20 

Divizioni për Logjistikë dhe Transport 

 
1. Detyrat dhe përgjegjësitë e Divizionit për Logjistikë dhe Transport (Në tekstin e mëtejmë:”DLT”), 
janë: 


1. Ofrimi i shërbimeve të logjistikës dhe transportit për të gjitha njësitë në KQZ; 


2. Identifikimi i nevojave, planifikimi dhe furnizimi me materiale dhe shërbime zgjedhore dhe 
jozgjedhore; 
3. Menaxhimi i depos qendrore të KQZ-së; 
4. Futja dhe përditësimi i të dhënave në regjistrat fizikë dhe elektronikë për furnizimim me 
material, regjistrimi i mjeteve, pajisjeve (inventarit) dhe verifikimi i saktësise kur kërkohet. 
5. Pranimi, procedimi dhe shpërndarja e pajisjeve dhe mallrave sipas kërkesave të aprovuara, si 
dhe verifikimi i saktësisë së inventarit fizik kur kërkohet; 
6. Pranimi mallrave, sistemimi i tyre dhe procedimi për pagesë në SIMFK; 
7. Përkujdeset për funksionimin e veturave të KQZ-së, miremban të dhënat lidhur me 
servisimin, shpenzimin e derivative dhe bën raportimin. 
8. Divizioni për Logjistikë dhe Transport udhëhiqet nga Udhëheqësi i Divizionit që i përgjigjet dhe 
i raporton drejperdrejt drejtorit të departamentit. 
9. Në sistematizimin e vendeve të punës në Divizionin për Logjistikë dhe Transport përfshihen 
katër (4) pozita: 


9.1 Udhëheqësi i Divizionit (një pozitë) 

9.2 Zyrtar i Transportit (një pozitë) 

9.3 Vozitës (një pozitë) 

9.4 Asistent i Logjistikës (një pozitë e planifikuar). 


Neni 21 

Departamenti i Teknologjisë Informative 

 
Detyrat dhe përgjegjësitë e Departamentit të Teknologjisë Informative (në tekstin e mëtejmë: DTI), janë: 

 
1.1. Hartimi dhe zbatimi i planeve, procedurave dhe projekteve për funksionimin sa me cilësor të TI-
së, duke siguruar ofrimin e shërbimeve të përshtatshme për të gjithë stafin e KQZ-së; 
1.2. Analizimi dhe vlerësimi i nevojave dhe mundësive për automatizimin e proceseve, si dhe 
implementimi e teknologjive të reja në operacione zgjedhore; 


1.3. Administrimi dhe mirëmbajtja e përgjithshme e rrjetit, sistemit dhe aplikacionet e KQZ-së; 
1.4. Krijimi dhe mirëmbajtja e bazave të të dhënave të përcaktuara nga KQZ-ja; 
1.5. Bashkëpunimi me Agjencinë për Shoqëri të Informacionit dhe institucionet e tjera për zbatimin e 
politikave në fushën e TI-së; 
1.6. Sigurimi dhe mirëmbajtja e pajisjeve, si dhe ofrimi i shërbimeve të teknologjisë së informacionit 
dhe telekomunikimit për KQZ-në dhe Sekretariatin; 
1.7. Mirëmbajtja dhe përditësimi i Ueb faqes së KQZ-së, duke përfshirë publikimin me kohë të të 
gjitha rregullave zgjedhore, vendimeve dhe materialeve të tjera të KQZ-së, në uebfaqen e KQZ-
së. 
1.8. Departamenti udhëhiqet nga drejtori i departamentit, i cili i përgjigjet dhe i rapoton Kryeshefit 
Ekzekutiv. 
1.9. Në sistematizimin e vendeve të punës të Departamentit të Teknologjise Informative, përfshihen 
pesë (5) pozita: 


 Drejtori i Departamentit (një pozitë) 

 Zyrtar i Lartë i Teknologjisë Inormative (një pozitë) 

 Zyrtar i Lartë Bazës së të Dhënave (një pozitë) 

 Zyrtar i Lartë për Dizajn dhe Ueb (një pozitë) 

 Zhvillues i aplikacioneve (një pozitë e planikuar). 

 
Neni 22 

Departamenti i Koordinimit në Terren 

 
Detyrat dhe përgjegjësitë e Departamentit të Koordinimit në Terren (në tekstin e mëtejmë: “DKT”), janë: 

1. Mbikëqyrja e punës së Zyrtarëve të Lartë Komunalë të Zgjedhjeve; 
2. Koordinimi i aktiviteteve ndërmjet Sekretariatit të KQZ-së dhe Zyrtarëve të Lartë Komunalë të 
Zgjedhjeve, respektivisht KKZ-ve, përkitazi me operacionet zgjedhore në nivel komunal; 
3. Ndihmon dhe këshillon subjektet politike për zgjedhje në nivel komunal; 
4. Udhëheqja e aktiviteteve për të përgatitur planet strategjike dhe operacionale në nivel komunal; 
5. Hartimi dhe implementimi i Planit Operacional të Sigurisë për Zgjedhje; 


6. Koordinon aktivitetet zgjdhore për ZLKZ/KKZ-të në terren për personelin dhe trupat menaxhuese 
që angazhohen gjatë zgjedhjeve mes nivelit qendror dhe komunal, në bashkëpunim me njësitë 
tjera të Sekretariatit; 
7. Përkujdeset për zbatimin e aktiviteteve akteve normative të nxjerra nga KQZ-ja në komisione 
komunale zgjedhore 
8. Departamenti i Kordinimit në Terren udhëhiqet nga drejtori i departamentit, i cili raporton 
Kryshefit Ekzekutiv të Sekretariatit; 
9. Zyrtarët e Lartë Komunalë të Zgjedhjeve i përgjigjen drejtorit të departamentit. 
10. Në sistematizimin e vendeve të punës në Departamentin e Koordinimit në Terren, përfshihen, 
Drejtori dhe nga një ZLKZ për secilën komunë: 


10.1 Drejtor i Departamentit të Kordinimit në Terren (një pozitë) 
10.2 Zyrtar të Lartë Komunalë të Zgjedhjeve (tridhjetëetetë zyrtarë). 


Neni 23 

Njësia e Auditimit të Brendshëm 

 
Detyrat dhe përgjegjësitë e Njësisë së Auditimit të Brendshëm në Sekretariat (në tekstin e mëtejmë: 
NjAB), janë: 

1. Hartimi dhe përgatitja e planit të auditimit; 
2. Kryerja e detyrave të auditimit në pajtim me planet e punës, rregullat, udhëzimet dhe standardet e 
audtitimit; 
3. Sigurimi i mbështetjes për KE-në dhe KQZ-në në përmirësimin e menaxhimit dhe kontrollit të 
brendshëm; 
4. Përgatitja e raporteve dhe rapportimi në komitetin e auditimit; 
5. Udhëheq Njësinë e Auditimit të Brendshëm, në pajtim me Ligjin në fuqi për auditimin e 


Brendshëm; 

6. Bën auditime të brendshme në pajtim me rregullat, politikat, doracakët, udhëzimet, dhe 


 standardet profesionale në fuqi. 

7. Njësia e Auditimit të Brendshëm udhëhiqet nga Udhëheqesi i Zyrës, i cili i përgjigjet dhe i 


rapoton Kryeshefit Ekzekutiv. 

8. Në sistematizimin e vendeve në Njësinë së Auditimit të Brendshëm, përfshihet një (1) pozitë: 


 8.1. Drejtor i Auditimit të Brendshëm (një pozitë). 

 
Neni 24 

Njësia e Prokurimit 

 
Detyrat dhe përgjegjësitë e Njesise së Prokurimit në Sekretariat (Në tekstin e mëtejmë: ”NjP”), janë: 

 
1. Përgatitë, koordinon dhe zbaton planin vjetor të Sekretariatit në fushën e prokurimit publik, në 
pajtim me legjislacionin në fuqi; 


2. Siguron që të gjitha kërkesat për prokurim janë përgatitur dhe në përputhje me rregullat dhe 
procedurat e prokurimit; 
3. Përgatitja e materialeve standarde, varësisht nga procedura e prokurimit; 
4. Nënshkruan kontratë publike në emër të autoritetit kontraktues; 


5. Përcakton procedurën e prokurimit për tender dhe procedurat e vlerësimit të çmimeve; 
6. Ofron këshilla dhe asiston menaxhmentin në marrjen e vendimeve lidhur me çështjet kontestuese 
që mund të dalin në rastet e ekzekutimit të kontratave. 


7. Njësia e Prokurimit udhëhiqet nga Udhëheqësi i Njësisë së Prokurimit, i cili i përgjigjet dhe i 
rapoton Kryeshefit Ekzekutiv dhe është i barasvlefshëm me drejtorët e departamenteve në 
Sekretariat. 


8. Në sistematizimin e vendeve të punës në Zyrën e Prokurimit, përfshihet një (1) pozitë: 


Drejtor i Prokurimit (një pozitë). 

 
Neni 25 

Njësia e Qendrës së Numërimit dhe Rezultateve 


Detyrat dhe përgjegjësitë e Qendrës së Numërimit dhe e Rezultateve (në tekstin e mëtejmë: QNR), janë: 

 
1. Pranimi dhe kontrollimi fillestar i materialit të ndjeshëm zgjedhor; 
2. Futja e të dhënave, auditimi i formularëve të rezultateve dhe hetimi i tyre; 
3. Verifikimi i Zarfeve të fletëvotimeve me kusht dhe fletëvotimeve përmes postës, si dhe numërimi 
i tyre; 
4. Rinumërimi në bazë të vendimit të KQZ-së; 
5. Ndërmerr aktivitete për tabulimin dhe publikimin e rezultateve preliminare dhe përfundimtare; 
6. Menaxhimi i operacioneve dhe proceseve që ndërlidhen me rezultatet, si dhe përgatitja e 
rezultateve të zgjedhjeve për KQZ, 
7. Planifikimi i kerkesave dhe specifikimeve për sistemet informative për tabulimin dhe prezantimin 
e rezultateve; 
8. Bërjen e analizave dhe hulumtimeve lidhur me statistikat dhe rezultatet e zgjedhjeve. 
9. Njësia e Qendrës së Numërimit dhe Rezultateve udhëhiqet nga Udheheqësi i QNR-së, i cili 
raporton drejtpërdrejt Kryshefit Ekzekutiv të Sekretariatit. 
10. Në sistematizimin e vendeve të punës në Njesinë e Qendrës së Numërimit dhe Rezultateve, 
përfshihet një (1) pozitë: 


11.1 Udhëheqës i Qendrës së Numërimit dhe Rezultateve (një pozitë). 

 
Neni 26 

Zyrtar i Lartë Certifikues 


Detyrat dhe përgjegjësitë e Zyrtarit Certifikues janë: 


1. Të sigurojë që kushtet e zbatueshme të një kontrate publike të jenë të përmbushura para bërjes ose 
autorizimit të pagesave sipas kontratës; 


2. Të sigurojë që shpenzimi i parave publike sipas një kontrate publike të behet në pajtim me 
Rregullat e KMF-së; 


3. Të shqyrtojë dhe të vërtetojë të gjitha dokumentet rreth shpenzimeve të krijuara në të gjitha 
Departamentet dhe Njësitë e Sekretariatit të KQZ-së; 


4. Zyrtari Çertifikues duhet të identifikojë dhe të njejtat t’i raportojë me shkrim ZKA-së, për të 
gjitha rastet e mosrespektimit të akteve ligjore; 
5. Zyrtari Certifikues i raporton drejtpërdrejt Kryshefit Ekzekutiv të SKQZ-së. 
6. Në sistematizimin e vendeve të punës përfshihet një (1) pozitë. 


Neni 27 

Zëdhënësi i KQZ-së 

 
Detyrat dhe përgjegjesitë e Zëdhënësit të KQZ-së (në tekstin e metejmë “Zëdhënësi”), janë: 

 
1. Informon mediet dhe publikun lidhur me punën e KQZ-së; 


2. Këshillimi profesional lidhur me çështje të komunikimit për KQZ-në; 


3. Siguron që mediet dhe publiku janë të informuara për proceset dhe operacionet zgjedhore, si 
dhe për aktivitetet e KQZ-së përmes njoftimeve të rregullta; 
4. Organizon konferencat për media dhe Qendrën mediale të KQZ-së gjatë procesit zgjedhor; 
5. Publikon informata në ueb-faqen e KQZ-së dhe në llogaritë zyrtare të KQZ-së në rrjetet 
sociale; 
6. Monitorimi i mediave dhe informimi i KQZ-së; 


7. Siguron, së bashku me zyrtarin e lartë për komunikim në SKQZ, që të gjitha njësitë përkatëse 
të SKQZ-së të japin kontributin e tyre për prezantimin e përgjithshëm të aktiviteteve. 


8. Zëdhënësi i përgjigjet dhe i raporton drejtperdrejt KQZ-së, ndërsa për çështje administrative, 
i përgjigjet KE-së të Sekretariatit, në pajtim me rregullat për shërbimin civil. 


9. Në sistematizimin e vendeve përfshihet një (1) pozitë: 


9.1 Zëdhënës i KQZ-së (një pozitë). 

 
Neni 28 

Asistenti ekzekutiv i Kryetarit të KQZ-së 

 
Detyrat dhe përgjegjesitë e Asistenit të KQZ-së (në tekstin e mëtejmë “Asistenti”), janë: 


1. Ofrimi i shërbimeve administrative dhe teknike për KQZ-në; 
2. Aranzhon takimet e Kryetarit të KQZ-së; 


3. Me autorizim të kryetarit të KQZ-së, pranon dhe sistemon materialet që arrijnë në adresë të 
KQZ-së, dhe sipas nevojës i dërgon në adresa të caktuara; 
4. Mirëmban dhe azhurnon raportet, korrespondencat dhe materialet e tjera relevante; 
5. Përkujdeset rreth përgatitjes teknike të mbledhjeve të KQZ-së; 
6. Detyra dhe përgjegjësi të tjera që i caktohen nga Kryetari, respektivisht KQZ-ja, ndërsa sa i 
përket çështjeve administrative, i përgjigjet KE-së, në pajtim me rregullat për sherbimin civil. 
7. Në sistematizimin e vendeve të punës, përfshihet një (1) pozitë: 


7.1.1 Asisteni ekzekutiv i Kryetarit të KQZ-së (një pozitë). 


KAPITULLI IX 

 
Neni 29 

Grupet punuese 

 
1. KE-ja mund të krijojë grupe punuese të përkohshme për zhvillimin e aktiviteteve që 
tejkalojnë fushën e punës së zakonshme dhe që janë komplekse për njesitë organizative, për 
të siguruar përmbushjen e objektivave. 


2. KE-ja vendos për përberjen e grupit punues, për caktimin e mandatit dhe objektivave, 
emëron kryesuesin dhe përcakton procedurat, afatet kohore dhe formën për raportim . 
3. Sekretariati është përgjegjes për sigurimin e kushteve të punës, si dhe kompensimet sipas 
detyrimeve që merr nga KQZ-ja apo KE-ja, të bazuar në rregullativën e brendshme apo ligjet 
në fuqi. 


4. Kryeshefi Ekzekutiv mund të ftojë dhe të angazhojë si anëtarë të grupit punues, konsulentë të 
jashtëm për të asistuar dhe ofruar ndihmën e nevojshme specifike, ashtu siç kërkon institucioni për 
arritjen e objektivave. 

 
5. Grupet punuese do të raportojnë për zbatimin e mandatit dhe aktiviteteve të tyre në baza të 
rregullta dhe do të dorëzojnë për miratim te Kryeshefi Ekzekutiv i Sekretariati raporte dhe 
rekomandime. 

 
Neni 30 

 
Marrëdheniet reciproke të punës ndërmjet njësive organizative 

 
1. Marrëdheniet reciproke të punës ndërmjet njësive të brendshme organizative në Sekretariat, 
bazohen në parimin e bashkëpunimit të ndërsjellë, të unitetit, bashkërendimit dhe dakordimit, 
si dhe në të drejtat, detyrimet dhe përgjegjësitë e përcaktuara me legjislacionin në fuqi. 

 
2. Nga të gjitha njësitë organizative, kërkohet që të shkembejnë të dhënat dhe informacionet e 
nevojshme, përvojen e tyre profesionale, për kryerjen e punëve dhe detyrave të njësive të 
tyre sipas nevojës së parashtruar. 

 
3. Me qëllim të koordinimit të proceseve dhe aktiviteteve të punës, si dhe zhvillimit me sukses 
të bashkëpunimit, ndërmjet udhëheqësve të njësive organizative dhe Kryeshefit Ekzekutiv 
mbahen takime të rregullta. 

 
9. Ne procesin e mbikëqyrjes, të monitorimit dhe të shqyrtimit të rrjedhave të punës dhe 
përmbushjes së përgjegjësive, takime periodike mbahen edhe me KQZ-në, sipas 
planifikimeve me plan të punës nga KQZ-ja. 


KAPITULLI X 

 
REKRUTIMI DHE EMËRIMI I STAFIT TË SKQZ-së 

 
Neni 31 

 
Stafi i Sekretariatit dhe statusi i tij 

 
1. Të punësuarit ne Sekretariat janë pjesë e shërbimit civil. Statusi i stafit administrativ të parashikuar në 
nenin 12 të Ligjit mbi Shërbimin Civil zbatohet deri sa të mos ketë ndikim në pavarësinë e 
Komisionit Qendror të Zgjedhjeve, të garantuar me Kushtetutën e Republikës së Kosovës, Kapitullin 
XII për Institucionet e Pavarura, dhe në nenin 3.7 të Ligjit për Shërbimin Civil të Republikës së 
Kosovës. 


2. Rekrutimi, avancimet, gradimet dhe transferimi i stafit të Sekretariatit, bëhen në përputhje me 
procedurat e brendshme të KQZ-së, ne pajtim me ligjin, për aq sa nuk cenojnë pavarësinë kushtetuese 
të KQZ-së, konform nenit 3.7 të LSHCK-së dhe Aktgjykimit të Gjykatës Kushtetuese Nr. 
KO73/2016. 
3. Kushtet specifike të punësimit, orari i punës, pagat, shtesat në paga, pushimet, si dhe kodi i 
mirësjelljes, rregullohen me akte të veçanta të KQZ-së, me propozim të Kryeshefit Ekzekutiv. 
4. Emërimi i Stafit të angazhuar gjatë procesit të mbajtjes së zgjedhjeve bëhet me Marrëveshje për 
shërbime të veçanta, në bazë të kontratave të quajtura “Marrëveshje për shërbime të veçanta” dhe për 
të cilat zbatohet një procedurë e thjeshtësuar e rekrutimit. Emërimet me afat të caktuar për një 
periudhë më të shkurtër se gjashtë (6) muaj do t’i nënshtrohen Ligjit për Detyrimet. 


KAPITULLI XI 

 
SISTEMATIZIMI DHE EMËRTIMI I VENDEVE TË PUNËS 

 
Neni 32 

 
Baza për punësim dhe sistematizim 

 
1. Vendet e punës përcaktohen sipas funksioneve, detyrave dhe nevojave të institucionit. 


2. Vendet e punës të përcaktuara me këtë rregullore paraqesin bazën për punësimin dhe 
sistematizim në Sekretariat. 


3. Vendet e punës për periudhen zgjedhore për stafin e përkohshem, caktohen me akt të 
veçantë të KQZ-së. 


3.1 Angazhimi i punonjësve të përkohshëm bëhet nga Kryeshefi Ekzekutiv i SKQZ-së, me 
propozim dhe kërkesa të njesive përkatëse organizative, sipas aktit të miratuar nga KQZ-ja; 


3.2 Kushtet kontraktuale ndërmjet KQZ-së dhe stafit të angazhuar, përcaktohen nën drejtimin e 
Kryeshefit Ekzekutiv të SKQZ-së dhe zyrës së personelit, në bashkëpunim me njësitë që kanë 
paraqitur kërkesën për zyrtar shtesë në proces zgjedhor, sipas aktit të miratuar nga KQZ-ja. 

 
Neni 33 

 
Përcaktimi i titujve të punës, kategorive funksionale dhe gradave 

 
Për nëpunesit e KQZ-së, titujt e vendit të punës, kategoria funksionale dhe grada e vendit të 
punës përcaktohen në përputhje me LZP-në, sipas ligjit përkates për pagat nga buxheti i Republikës 
së Kosovës, si dhe me aktet nënligjore përkatëse të KQZ-së. 

 
Neni 34 

 
 Emërtimet e titujve të punës 

 
1. Për funksionimin dhe arritjen e objektivave të KQZ-së, me këtë rregullore për vendet e punës në 
Sekretariat, përcaktohen këto emërtime të titujve të punës: 


2. Kryeshef Ekzekutiv i Sekretariatit Një (1) pozitë 
3. Zëvendëskryeshef Ekzekutiv i Sekretariatit Një (1) pozitë 
4. Drejtor Ekzekutiv i Zyrës për Regjistrimin e Partive Politike dhe Certifikim Një (1) pozitë 
5. Drejtor i Departamentit për Çështje Ligjore Një (1) pozitë 
6. Drejtor i Departamentit të Operacioneve Zgjedhore Një (1) pozitë 
7. Drejtor i Departamentit të Administrates dhe Përkrahjes Një (1) pozitë 


8. Drejtor i Departamentit të Teknologjisë Informative Një (1) pozitë 
9. Drejtor i Departamentit të Koordinimit në Teren Një (1) pozitë 
10. Udheheqes i Njesise së Auditimit të Brendshëm Një (1) pozitë 
11. Zyrtar Kryesor Financiar ( e planifikuar) Nje (1) pozitë 
12. Udhëheqës i Njësisë së Prokurimit Një (1) pozitë 
13. Udhëheqës i Njësisë së Qendrës së Numërimit dhe Rezultateve Një (1) pozitë 
14. Zëdhënës i KQZ-së Një (1) pozitë 
15. Udhëheqës i Divizionit të Shebimit Votues Një (1) pozitë 
16. Udhëheqës i Divizionit për Trajnim Një (1) pozitë 
Udhëheqës i Divizionit për Informim dhe Edukim të Votuesve Një (1) pozitë 
17. Udhëheqës i Divizionit për Personel dhe Sherbime të Përbashkëta Një (1) pozitë 
18. Udhëheqës i Divizionit për Buxhet dhe Financa Një (1) pozitë 
19. Udhëheqës i Divizionit për Logjistikë dhe Transport Një (1) pozitë 
20. Zyrtar i Lartë Certifikues Një (1) pozitë 
21. Zyrtar i Lartë Ligjor (një i planifikuar ) Dy (2) pozita 
22. Zyrtar i Lartë i Listes Votuese Një (1) pozitë 
23. Zyrtar i Lartë për Informim dhe Edukim të Votuesve Një (1) pozitë 
24. Zyrtar i Lartë i Trajnimit (i planifikuar) Një (1) pozitë 
25. Zyrtar i Lartë për Buxhet dhe Financa-Shpenzues Një (1) pozitë 
26. Zyrtar i Lartë për Financa -Zotues Një (1) pozitë 
27. Zyrtar i Lartë i të Hyrave dhe Fondin të Partive Politike Një (1) pozitë 
28. Zyrtar i Lartë i Përkthimit Tre (3) pozita 
29. Zyrtar i Lartë i Teknologjisë Informative Një (1) pozitë 
30. Zyrtar i Lartë i Bazës së të Dhënave Një (1) pozitë 
31. Zyrtar i Lartë per Dizajn dhe Ueb Një (1) pozitë 
32. Zhvillues i programeve (i planifikuar) Një (1) pozitë 
33. Zyrtar i Lartë për Regjistrim dhe Certifikim të Subjekte Politike Një (1) pozitë 
34. Zyrtar i Lartë Ligjor në ZRPPC Një (1) pozitë 
35. Zyrtar i Lartë për Parti dhe Subjekte politike Një (1) pozitë 
36. Zyrtar i Lartë Komunal i Zgjedhjeve Tridhjetëetetë (38) pozita 
37. Asistent Ekzekutiv i KE-së Një (1) pozitë 
38. Asistent ekzekutiv i kryetarit të KQZ-së Një (1) pozitë 
39. Zyrtar i Lartë i Arkivës Një (1) pozitë 
40. Zyrtar i Transportit Një (1) pozitë 
41. Vozitës Një (1) pozitë 
42. Asistent i Logjistikës (i planifikuar) Një (1) pozitë 


Neni 35 

Pasqyra e vendeve të punës 

 
Sistematizimi i vendeve të punvs në KQZ do të pasqyrohet në dokumentin e veçantë për përshkrimin e 
detyrave të punvs së KQZ-së, bashkëlidhur kësaj rregulloreje, në paraqitjen skematike 
(organogram). 

 
Neni 36 

Përshkrimet e detyrave të punës 

 
Përshkrimet e detyrave të punës për nëpunësit e Sekretariatit, bazuar në veçoritë specifike të vendeve të 
punës, bëhen në përputhje me kushtet e parashikuara në LZP dhe aktet e tjera të brendshme të KQZ-së. 

 
Neni 37 

Përshkrimi i Detyrave të Punës 

 
Te gjitha përshkrimet e detyrave të punës, me përjashtim të pozitës së Kryetarit dhe Anëtarëve të KQZ-
së, do të përfshihen në dokumentin e veçantë nën emërtimin Rregullore e Përshkrimit të Detyrave të Punës 
në KQZ. 

 
KAPITULLI XX 

DISPOZITA KALIMTARE DHE PËRFUNDIMTARE 

 
Neni 38 

 
Dispozitat përfundimtare 

 
1. Brenda KQZ-së është e lejuar lëvizshmëria dhe avancimi i personelit, në pajtim me 


 aktet ligjore përkatëse për këto çështje të KQZ-së, si dhe parimet e shërbimit 

 civil, nëse konsiderohet e nevojshme për mbarëvajtjen e punës. 

 
2. Rritja apo zvogëlimi i numrit të personelit në pajtim me ligjin vjetor të buxhetit nuk krijon 
nevojë për plotësim-ndryshimin e kësaj rregulloreje, përpos në rastet kur krijohen ose shuhen 
njësitë organizative. 
3. Në varësi të prioriteteve të përcaktuara, kjo strukturë organzative mund të ndryshohet në çdo 
kohë nga KQZ-ja, përmes plotësimit dhe ndryshimit të saj. 
4. Paraqitja në mënyrë skematike e strukturës organizative (organogrami) përcakton edhe varësinë 
ose jo të strukturave të mësipërme nga njëra-tjetra. 
5. Në Sekretariat varësisht nga kërkesat zhvillimore dhe organizative për kryerjen e detyrimeve 
dhe kompetencave ligjore, me propozimin e Kryeshefit Ekzekutiv të Sekretariatit dhe me 
miratimin e KQZ-së, mund të formohen edhe njësi të reja organizative. 


Neni 39 

Funksionalizimi i njësive organizative të përcaktuara 

 
Njësitë organizative dhe pozitat e përcaktuara me këtë rregullore në Sekretariat, sistemohen dhe 
funksionalizohen brenda gjashtëdhjetë (60) ditëve pas hyrjes në fuqi të kësaj rregulloreje. 

 
Neni 40 

Transferimi dhe emërimi i nëpunësve në Sekretariat 

 
Nëpunësit e KQZ-sv, për shkak të ristrukturimit organizativ dhe sistematizimit të ri të vendeve të 
punës në KQZ, ndryshimit të titujve dhe të përshkrimit të detyrave të punës, transferohen, emërohen 
ose avancohen në një pozitë të re pune, në perputhje me procedurat, kushtet, kriteret, parimet dhe 
standardet e përcaktuara me proceduren e brendshme dhe aktet nënligjore të KQZ-së, për rekrutimin, 
transferimin, avancimin e stafit dhe përshkrimin e detyrave të punvs dhe në pajtim me Ligjin për 
shërbimin civil. 

 
Neni 41 

Përgjegjësia dhe kontrollimi i zbatimit të Rregullores 

 
Përgjegjës për zbatimin e kesaj rregulloreje janë Kryeshefi Ekzekutiv dhe të gjitha njësitë 
organizative të Sekretariatit, ndërsa kontrollimi i zbatimit të saj dhe i akteve të tjera nënligjore të 
nxjerra në zbatim të kësaj rregulloreje, ushtrohet nga KQZ-ja. 

 
Neni 42 

Detyrat dhe përgjegjësitë e nëpunësve të Sekretariatit 

 
1. Detyrat dhe përgjegjësitë e nëpunësve civilë në Sekretariat përcaktohen me rregullat e bredshme 
të KQZ-së dhe Ligjin për Shërbimin Civil. 


2. Kryeshefi Ekzekutiv, në bashkëpunim me udhëheqesit e njësive përkatëse organizative, janë 
përgjegjës të bëjnë përshkrimin e detyrave dhe përgjegjësive për secilën pozitë të nëpunësve në 
Sekretariat, në pajtim me detyrat e përcaktuara me këtë rregullore dhe legjislacionin në fuqi. 


3. Çështjet organizative të punës të Sekretariatit, të cilat nuk janë të rregulluara me ligj apo me këtë 
rregullore, rregullohen me vendime të Kryeshefit të Sekretariatit. 

 
Neni 43 

Pushimet e stafit 

 
KQZ-ja nxjerr rregulloren e veçantë për pushimet e stafit, në afat jo me larg se 30 ditë pas 
aprovimit të kësaj rregulloreje. 

 
Neni 44 

Aktet nënligjore 

 
Aktet e tjera nënligjore përkatese të parapara me këtë rregullore, duhet të miratohen brenda 
gjashtë (6) muajve pas hyrjes në fuqi të kësaj rregulloreje. 

 
Neni 45 

Implementimi i rregullores 

 
Rregullorja do të fillojë të implementohet brenda afatit tridhjetë (30) ditësh, pas 
hyrjes në fuqi të kësaj rregulloreje. 


Neni 46 
Shfuqizimi 

 
Pas hyrjes në fuqi të kësaj rregulloreje, shfuqizohet rregullorja Nr. 01/2013 per Organizimin e Brendshëm 
të SKQZ-së dhe të gjitha vendimet dhe aktet tjera paraprake që kanë të bëjnë me organizimin dhe 
strukturimin e Sekretariatit. 

 
Neni 47 

Publikimi 

 
Kjo rregullore publikohet në ueb faqen e KQZ-së, në ditën e miratimit. 

 
Neni 48 

Hyrja në fuqi 

 
Kjo rregullore hyn në fuqi në ditën e miratimit nga Komisioni Qendror i Zgjedhjeve. 

 
 Valdete DAKA 

 
________________ 

 
 Kryetare e KQZ-së 

Prishtinë, 7 gusht 2017