Komisioni Qendror i Zgjedhjeve, 

Në mbështetje të nenit 139 të Kushtetutës së Republikës së Kosovës, në pajtim me nenin 
63.7, me nenin 128.1 të Ligjit Nr. 03/L-073 për zgjedhjet e përgjithshme, nenin 3.7 të 
LSHCK-së, nenin 17 të Rregullores së Punës të Komisionit Qendror të Zgjedhjeve, nxjerr: 

RREGULLORE NR. 05 / 2017 


KODI I MIRËSJELLJES PËR STAFIN E SEKRETARIATIT TE KOMISIONIT 
QENDROR TË ZGJEDHJEVE 


KAPITULLI I 
DISPOZITAT E PËRGJITHSHME 


Neni 1 
Qëllimi 


1. Kjo Rregullore ka për qëllim të përcaktojë rregullat e mirësjelljes për stafin e Sekretariatit, për 
arritjen e standardeve dhe të vë në dijeni publikun për sjelljen që duhet të ketë nëpunësi i KQZsë. 
2. Kjo rregullore ka për qëllim ruajtjen, afirmimin dhe ngritjen e dinjitetit dhe imazhit të 
punonjësve, e cila ndikon në rritjen e besimit të qytetarëve në punën e institucionit. Rregullorja 
përcakton sjelljen personale dhe profesionale të personelit që ka për qëllim të ruajë prestigjin dhe 
imazhin e KQZ-së, të përkushtuar në organizimin dhe administrimin e zgjedhjeve në Kosovë. 
Neni 2 
Fushëveprimi 


1. Dispozitat e kësaj rregulloreje janë të detyrueshme për të gjithë punonjësit e Sekretariatit, nëse 
nuk parashihet ndryshe në dispozitat e tjera ligjore. 
2. Dispozitave të kësaj rregulloreje i nënshtrohen edhe kategoritë: 
2.1. Nëpunësit e përkohshëm të angazhuar për proces zgjedhor; 
2.2. Punonjësit, ekspertët të cilët janë të kontraktuar nga KQZ-ja apo për KQZ-në, për 
kryerjen e një shërbimi të caktuar (marrëveshjet për shërbimet e veçanta); si dhe 
2.3 Praktikantët. 
1 


Neni 3 
Përkufizimet 


1. Për qëllim të kësaj rregulloreje, termi punonjës përfshin të gjitha kategoritë e të punësuarve 
sipas nenit dy (2) të kësaj rregulloreje dhe kategoritë e tjera në paragrafin dy (2) të këtij neni. 
2. Të gjitha termat e përdorur në këtë rregullore kanë kuptimin e njëjtë me përkufizimet e dhëna 
në Ligjin nr. 03/L-073 për Zgjedhjet e Përgjithshme në Republikën e Kosovës. 
KAPITULLI II 
PARIMET E PËRGJITHSHME 


Punonjësit, gjatë ushtrimit të detyrave të tyre, janë të obliguar t’iu përmbahen parimeve 
themelore: 

Neni 4 
Ligjshmëria 


Punonjësit ushtrojnë të gjitha detyrat në bazë të Kushtetutës dhe legjislacionit në fuqi. 

Neni 5 
Integriteti 


Punonjësi duhet të ruajë integritetin dhe pavarësinë e institucionit. Gjatë kryerjes se detyrave 
profesionale dhe veprimtarive personale, stafi demonstron standardet më të larta të integritetit 
personal, ndershmërisë dhe vërtetësisë. 

Neni 6 
Kompetenca 


Stafi do të demonstrojë në çdo kohë kompetencë profesionale dhe do të përpiqet të vijojë 
zhvillim të vazhdueshëm profesional. 

Neni 7 
Efektshmëria dhe efikasiteti 


Punonjësit duhet të sigurojnë zbatimin e thjeshtë dhe ekonomik të rregullave dhe procedurave 
për përmbushjen e objektivave të KQZ-së. 

Neni 8 
Përgjegjësia 


Punonjësit janë të detyruar që të raportojnë, shpjegojnë dhe të përgjigjen për pasojat e 
vendimeve, veprimeve dhe mosveprimeve të tyre. 

Neni 9 
Paanësia dhe pavarësia profesionale 


2 


Punonjësve nuk u lejohet njëanshmëria, që do të thotë të ketë një predispozitë në favor të një 
rezultati të caktuar gjatë vlerësimit të një situate, duke shkaktuar si rrjedhojë një dëm të 
pajustifikueshëm për interesin e përgjithshëm ose për të drejtën e palëve të tjera të interesuara. 

Neni 10 
Konfidencialiteti 


Punonjësit ruajnë konfidencialitetin e informacionit që kanë në zotërim, por pa cenuar zbatimin e 
detyrimeve që dalin nga legjislacioni, që ka të bëjë me qasjen në dokumente publike. Proceset në 
KQZ janë të hapura për publikun, përveç nëse nuk parashihet ndryshe në dispozitat e tjera 
ligjore. 

Neni 11 
Shmangia e konfliktit të interesit 


Punonjësit duhet të mos lejojnë që interesat e tyre private të bien ndesh me pozitën e tyre 
publike, të shmangin kryerjen e detyrave private ose publike, që bien ndesh me pozitën e tyre 
dhe që mund të krijojnë konflikt interesi. Punonjësit veprojnë në pajtim me dispozitat e kësaj 
rregulloreje dhe ligjit përkatës për shmangien e konfliktit të interesit. 

Neni 12 
Parimi i mundësive të barabarta për komunitete dhe gjini 


Komunitetet dhe pjesëtarët e tyre kanë mundësi të barabarta. Mundësi të barabarta në KQZ kanë 
pjesëtarët e dy gjinive. 

Neni 13 
Mos diskriminimi 


Nuk lejohet kurrfarë diskriminimi i drejtpërdrejtë apo i tërthortë në bazë të racës, ngjyrës, 
gjinisë, gjuhës, fesë, mendimeve politike ose të tjera, prejardhjes kombëtare a shoqërore, lidhjes 
me ndonjë komunitet, pronës, gjendjes ekonomike, sociale, orientimit seksual, lindjes, aftësisë së 
kufizuar ose ndonjë statusi tjetër personal. 

KAPITULLI III 
RREGULLAT E MIRËSJELLJES SË STAFIT TË KQZ-SË 


Neni 14 
Mirësjellja


 1. Punonjësit në punën e tyre udhëhiqen nga parimi i pavarësisë profesionale, integritetit 
personal, përgjegjshmërisë dhe ndershmërisë. 
2. Punonjësit duhet t’i kryejnë punët dhe detyrat në mënyrë të drejtë dhe efikase. 
3 


3. Punonjësit duhet t’i shfrytëzojnë mjetet financiare publike në mënyrë të drejtë dhe të mos i 
keqpërdorin ato. Nëpunësit nuk duhet, në asnjë mënyrë, të keqpërdorin pozitën e tyre zyrtare për 
interesin e tyre personal apo interesin e dikujt tjetër. 
5. Punonjësit, gjatë ushtrimit të detyrës së tyre zyrtare, duhet të krijojnë dhe të ruajnë besimin e 
organit ku punojnë dhe atyre të cilëve iu shërbejnë. 
6. Punonjësit ushtrojnë detyrat e tyre në mënyrë profesionale, me përgjegjësi dhe të pavarur, pa u 
ndikuar nga të tjerët. 
7. Punonjësit duhet t’i përmbushin detyrat e tyre në mënyrë transparente dhe të atillë që 
mundëson marrjen e informatave të palëve të interesuara, mundësinë e dialogimit me qytetarët 
dhe organizatat e interesit, si dhe mbikëqyrjen legjitime. 
Neni 15 
E drejta e asocimit 


1. 
Punonjësit në KQZ nuk mund të mbajnë pozita në partie politike, ndonjë organizatë a 
shoqatë tjetër politike dhe të jenë aktivë politikisht. 
2. 
Punonjësit e Sekretariatit nuk mund të marrin pjesë në tubime tv subjekteve politike, 
përveç nv rastet kur janë të caktuar në detyra zyrtare. 
3. 
Punonjësit nuk bën të jenë të diskriminuar apo t’u mohohen të drejtat për shkak të 
bindjeve të tyre politike apo fetare. 
4. 
Punonjësi mund të merret me veprimtari sindikale dhe të jetë anëtar i sindikatave të 
ndryshme, në pajtim me ligjin. 
Neni 16 
Sjellja e stafit ndaj qytetarit 


1. Gjatë ushtrimit të detyrës punonjësit duhet të: 
1.1. sillen në mënyrë profesionale dhe të respektojnë parimin e barazisë, duke përjashtuar 
çdo sjellje diskriminuese ndaj qytetarëve; 
1.2. përmbahen nga kufizimi i të drejtave të qytetarëve, përveç kur një kufizim i tillë 
është i bazuar me ligj; 
1.3. sillen në mënyrë të përmbajtur ndaj qytetarëve, si dhe me një kujdes të veçantë ndaj 
të moshuarve dhe personave me aftësi të kufizuar; 
1.4. paraqiten në mënyrë korrekte dhe me përgjegjshmëri gjatë komunikimit të 
drejtpërdrejtë me qytetarët ose nëpërmjet formave tjera të komunikimit. 
4 


Neni 17 
Sjellja e nëpunësit ndaj anëtarëve të KQZ-së 


1. Punonjësit janë të obliguar që të respektojnë dhe të sillen në mënyrë korrekte dhe të 
përgjegjshme ndaj anëtarëve te KQZ-së. 
2. Duhet të ofrojnë njohuritë dhe aftësitë e tyre në mënyrë që të mbështesin dhe zbatojnë me nder 
dhe paanshmëri politikat e përcaktuara nga institucionet e caktuara. 
Neni 18 
Sjellja e nëpunësit ndaj udhëheqësve 


1. Punonjësit duhet të zbatojnë politikat e veprimit të udhëheqësve drejtues dhe sjellja e tyre 
duhet të jetë në përputhje të plotë me legjislacionin në fuqi. 
2. Punonjësit duhet t’i ushtrojnë detyrat e tyre bazuar në planin e punës dhe objektivat e 
përcaktuara nga udhëheqësit drejtues. 
3. Punonjësit duhet t’i paraqesin problemet që shfaqen gjatë ushtrimit të detyrës dhe të 
diskutojnë për gjetjen e zgjidhjeve më efikase me udhëheqësit drejtues. 
4. Në rast të emërimit të udhëheqësit drejtues të ri, punonjësit duhet të informojnë atë me kohë 
dhe në mënyrë të saktë për të gjitha çështjet, në mënyrë që të sigurojnë vazhdimësinë e punës në 
fushën përkatëse në institucion. 
Neni 19 
Sjellja e udhëheqësve ndaj stafit 


1. Udhëheqësi duhet të jetë shembull i mirësjelljes për stafin që e udhëheq, si dhe t’i përmbahet 
rregullave të mirësjelljes gjatë ushtrimit të detyrës. 
2. Udhëheqësi duhet të respektojë dinjitetin, personalitetin, idetë dhe iniciativat, si dhe të nxitë 
bashkëpunimin e nëpunësve që i udhëheq, njëkohësisht të ruajë të drejtën për vendimmarrje. 
3. Udhëheqësi duhet t’i nxitë nëpunësit në kryerjen e detyrave mirë dhe me kohë, respektim 
reciprok, marrëdhënie të mirë bashkëpunimi dhe shembull i mirë në shërbim ndaj qytetarëve. 
4. Udhëheqësi duhet t’i mbrojë të drejtat e nëpunësve që udhëheq dhe në asnjë mënyrë nuk i 
lejohet t’i shkelë dhe kufizojë të drejtat e tyre. 
5. Udhëheqësi duhet të vlerësojë në mënyrë të barabartë, objektive dhe efikase sjelljen e 
nëpunësve të cilët i udhëheq dhe të mos bëjë favorizimin e ndonjë nëpunësi. 
6. Udhëheqësi duhet t’i ofrojë nëpunësve mundësi të barabarta të zhvillimit të karrierës, ngritjes 
profesionale dhe motivim për efektivitetit në punë. 
7. Udhëheqësi duhet të kërkojë nga stafi që të respektojë orarin e punës. 
Neni 20 
Marrëdhënia me kolegët 


5 


1. Punonjësit , gjatë ushtrimit të detyrës, reciprokisht duhet të sillen me mirësjellje, pa marrë 
parasysh nacionalitetin, bindjen fetare, politike, gjininë, gjendjen shëndetësore dhe familjare. 
2. Punonjësit duhet të respektojnë punën e njëri-tjetrit dhe të bashkëpunojnë në mënyrë që të 
ngrisin efikasitetin dhe cilësinë në punë. 
3. Punonjësit duhet të kenë kujdes të mos i pengojnë punonjësit e tjerë në kryerjen e detyrave të 
rregullta të punës. 
4. Kritika ndaj kolegëve në punë duhet të jetë e përgjegjshme dhe profesionale. 
5. Marrëdhëniet ndërmjet punonjësve bazohen në respektin e ndërsjell, si dhe në ruajtjen e 
dinjitetit dhe personalitetit të nëpunësit. 
Neni 21 
Sjellja e stafit në raport me mjetet e informimit 


1. Punonjësit nuk duhet të bëjnë publike informatat në lidhje me punën e tyre pa autorizim 
përkatës. 
2. Punonjësit nuk u lejohet të zbulojnë informatat koenfidenciale në lidhje me punën. 
3. Gjatë dhënies së deklaratave publike, punonjësit në asnjë mënyrë nuk u lejohet të japin 
informata të pasakta dhe mendime personale në lidhje me çështjet në institucion. 
4. Punonjësit çdo kritikë publike ndaj udhëheqësit duhet ta argumentojnë me informata të 
verifikuara dhe të paraqitura paraprakisht tek udhëheqësi i tyre. 
5. Nepunesve të Sekretariatit u ndalohet postimi, pëlqimi, komentimi dhe shpërndarja e 
postimeve të subjkteve politike dhe kandidatëve në garë. 
6. Nëpunësve të Sekretariatit u ndalohet postimi, pëlqimi, komentimi dhe shpërndarja e 
postimeve të profileve, faqeve apo publikimeve që nxisin urrjtje etnike, racore, besimit fetar, 
orientimit seksual, sëmundjes fizike ose mendore ose aftësisë së kufizuar. 
Neni 22 
Parandalimi i konfliktit të interesit 


1. Punonjësi gjatë ushtrimit të detyrave dhe përgjegjësive të tij duhet të veprojë në mbrojtje të 
interesit publik dhe nuk ka të drejtë që interesin e tij privat ta vë para interesit publik. 
2. Punonjësi ushtron funksionin e tij në pajtim me ligjin përkatës për parandalimin e konfliktit të 
interesit, duke përfshirë por duke mos u kufizuar vetëm në Kodin Penal të Republikës së 
Kosovës, Ligjin përkatës për shërbimin civil të Republikës së Kosovës dhe në Ligjin përkatës për 
parandalimin e konfliktit të interesit në ushtrimin e funksionit publik. 
3. Punonjësi gjatë kryerjes së detyrës kur ka dijeni për ekzistimin e konfliktit të interesit është i 
detyruar që: 
6 


3.1. të identifikojë nëse ka një konflikt të mundshëm të interesit; 
3.2. të ndërmarrë hapat e nevojshëm për të shmangur vet konfliktin e interesit. 
4. Në rast se punonjësi është në dyshim për ekzistimin apo jo të një konflikti të interesit lidhur 
me të, ai duhet ta njoftojë dhe të këshillohet sa më parë me udhëheqësin e drejtpërdrejtë apo 
organin udhëheqës. 
5. Çdo udhëheqës duhet të marrë të gjitha masat e nevojshme për të parandaluar dhe zgjidhur 
çfarëdo rasti të konfliktit të interesit. 
Neni 23 
Shmangia e konfliktit të interesit 


1. Udhëheqësi i drejtpërdrejtë në bazë të të dhënave që disponon, duhet të ndërmarrë masat e 
nevojshme që të shmanget emërimi ose zgjedhja e një personi në pozicione në të cilat mund të 
lindë ose ka konflikt të interesit. 
2. Punonjësi nuk mund të ngarkohet me detyra që mund të çojnë në lindjen e konfliktit të 
interesit. 
3. Punonjësi i cili ka interesa që vazhdimësia e zotërimit të tyre do të përbënte rrezik real për 
lindjen e konfliktit të interesit dhe do të sillte përjashtimin e vazhdueshëm nga veprimtaria e tij 
zyrtare ose pamundësinë për të ushtruar detyrat zyrtare, duhet të heqë dorë ose t’i transferojë 
këto interesa në mënyrë që të shmangë konfliktin e interesit. 
Neni 24 
Angazhimi i punonjësve jashtë institucionit 


1. Me veprimtari të jashtme të punonjësve kuptojmë çdo lloj angazhimi të rregullt ose të kohë 
pas kohshëm jashtë institucionit, me pagesë ose pa pagesë. Punonjësit nuk duhet të angazhohet 
në një veprimtari të jashtme, që pengon kryerjen e detyrës së tij zyrtare dhe që cenon në çfarëdo 
mënyre, realizimin e objektivave të institucionit. 
3. Punonjësi për angazhimin e jashtëm duhet t’i njoftojë paraprakisht udhëheqësin drejtues dhe 
njësinë e personelit. 
4. Angazhimi i nëpunësit në kuadër të veprimtarive sindikale ose të përfaqësimit të nëpunësve 
ose veprimtaritë mësimdhënëse, hulumtuese dhe trajnuese, janë të lejueshme kur ato nuk 
pengojnë në kryerjen e detyrës dhe nuk bien ndesh me objektivat e institucionit. 
Neni 25 
Dhuratat 


1. Punonjësi nuk mund të pranojë dhurata apo favore të tjera për vete as për anëtarët e familjes 
që kanë të bëjnë më ushtrimin e detyrave zyrtare, përveç dhuratave protokollare ose të rastit në 
pajtim me dispozitat e Kodit përkatës Penal të Republikës së Kosovës dhe me Ligjin përkatës për 
parandalimin e konfliktit të interesit në ushtrimin e funksionit publik. 
7 


2. Dhurata protokollare konsiderohen dhuratat e sjellura nga përfaqësuesit e vendeve të huaja dhe 
organizatave ndërkombëtare gjatë vizitave dhe rasteve tjera apo dhuratat e sjellura në kushte të 
ngjashme. 
3. Nëse dhurata e rastit nuk është e karakterit personal, ajo menjëherë bëhet pronë e institucionit 
punëdhënës. 
4. Punonjësi nuk mund të pranojë dhurata monetare. 
5. Çdo dhuratë e pranuar nga nëpunësi duhet të paraqitet dhe të regjistrohet te zyrtari përgjegjës i 
institucionit i cili është i ngarkuar për regjistrimin e dhuratave. 
6. Punonjësi duhet ta informojë me shkrim udhëheqësin e tij nëse i është ofruar ose dhënë një 
dhuratë pa paralajmërim ose në rrethana specifike. Në rast se nëpunësi është drejtues i 
institucionit, duhet ta informojë Agjencinë Kundër Korrupsionit. 
Neni 26 
Detyrimet tjera të nëpunësit gjatë periudhës së punësimit në institucion 


Punonjësit nuk i lejohet ta përdorë detyrën zyrtare që të nxisë ose të detyrojë ndonjë person 
tjetër për të realizuar ndonjë përfitim financiar ose të çdo lloji tjetër përfitimi me interes personal. 

Neni 27 
Prona shtetërore 


Punonjësit duhet ta menaxhojnë me kujdes pronën shtetërore, e cila u është caktuar për ushtrimin 
e funksioneve të tyre dhe nuk bën ta shfrytëzojnë atë për arsye ose përfitime personale, si dhe 
nëpunësi nuk lejohet të shfrytëzojë pronën shtetërorë si mjet ose pasuri për zhvillimin e 
veprimtarisë personale ekonomike ose të aktiviteteve të paligjshme. 

Neni 28 
Orari i punës 


Punonjësit duhet të respektojë orarin e punës. Gjatë orarit të punës punonjësit do të kryej vetëm 
veprimtaritë që ndërlidhen me institucionin. 

Neni 29 
Veshja dhe paraqitja e nëpunësit 


1. 
Gjatë orarit të punës stafi do të ketë veshje të përshtatshme pune dhe dukje të pastër. Llojet e 
veshjes së papërshtatshme gjatë kryerjes së detyrës: 
1.1 
Këmishët dhe bluzat të cilat nuk e mbulojnë tërë mesin e trupit 
1.2 
Fundet të një gjatësie të papërshtatshme që mund të konsiderohen si të 
papërshtatshme me natyrën serioze të punës. 
1.3 
Rroba të çelura, xhinse, triko, pantallona të shkurtra, t-këmisha, veshje sportive, 
përfshirë veshjet për vrapim dhe atlete. 
8 


KAPITULLI IV 

DISPOZITAT PËRFUNDIMTARE 

Neni 23 

Zbatimi 

1. 
Njësia e personelit është e detyruar të njoftojë punonjësit me rregullat e mirësjelljes që 
duhen respektuar përmes nënshkrimit të formularit që zotohet se ka kuptuar dhe i 
përmbahet kësaj rregulloreje. 
2. 
Të gjithë punonjësit e Sekretariatit janë të detyruar të zbatojnë me korrektësi Rregulloren 
e Punës dhe Kodin e Mirësjelljes të KQZ-së. 
3. 
Për shkeljen e rregullave të parapara në këtë kod, kur ato nuk përbëjnë vepër penale, 
zbatohen masat disiplinore të përcaktuara nga Ligji për Shërbimin Civil në Republikën e 
Kosovës. 
4. 
Shkelja e rregullave të kësaj rregulloreje bëhet shkak për marrjen e masave disiplinore në 
pajtim me legjislacionin në fuqi. 
5. 
Udhëheqësi i drejtpërdrejt i nëpunësit ka përgjegjësi të kontrollojë nëse ai zbaton 
rregullat e përcaktuara në këtë rregullore dhe të propozojë ose të marrë masat e duhura 
disiplinore për shkeljet e tij. 
Neni 24 
Regjistrimi i masave 


1. Njësia e personelit është e detyruar të bëjë regjistrimin e masave disiplinore të marra ndaj 
punonjësit, brenda dhjetë (10) ditëve nga marrja e masës për shkak të shkeljes të kësaj 
rregulloreje. 
Neni 25 
Publikimi 


Rregullorja duhet të publikohet ne ueb faqen e KQZ-së, me qëllim që të gjithë punonjësit të jenë 
të informuar për hyrjen në fuqi të kësaj rregulloreje. 

Neni 27 
Hyrja në fuqi 


Kjo rregullore hyn në fuqi në ditën e miratimit nga Komisioni Qendror i Zgjedhjeve. 

Valdete DAKA 

Prishtinë, 7 gusht 2017 

Kryetare e KQZ-së 

9