Zgjedhjet lokale
Zgjedhjet komunale 2000
Në Republikën e Kosovës, që prej vitit 2002 janë mbajtur pesë palë zgjedhje. Zgjedhjet e para për pushtetin lokal, u mbajtën më 28 tetor të vitit 2000. Numri i votuesëve në këto zgjedhje ishte 913.179, kurse pjesmarrja në votime 79%. Në këto zgjedhje është votuar me lista të hapura, për një kandidat të vetëm. Votimet u zhvilluan në 30 zona elektorale. Nga 920 ulëse, u zgjodhën 869 këshilltar dhe në tri komuna u emruan. Nuk kishte vende të rezervuaa. U votua në 1.464 vendvotime dhe pati 380 qendra votuese. Këto zgjedhje i vëzhguan 13.976 vëzhgues.
Zgjedhjet komunale 2002
Zgjedhjet e dyta për pushtetin lokal, u mbajtën më 26 tetor të vitit 2002. Numri i votuesëve në këto zgjedhje ishte 1.320. 481, kurse pjesmarrja në votime 54%. Këto zgjedhje u bënë me lista të mbyllura, dhe u votua vetëm për subjektin politik. Subjektet politike, i caktuan kandidatët e tyre në listë. 1/3 e kandidatëve deputet, është përcaktuar në bazë të gjinisë. Gjithsejt, kishte 30 zona elektorale. U zgjodhën 920 këshilltar dhe,nuk kishte vendetë rezervuara. U votua në 1.727 vendvotime dhe pati 503 qendra votuese.
Zgjedhjet komunale 2004
Zgjedhjet për Kuvendin e Kosovës,u mbajtën më 23 tetor të vitit 2004. Numri i votuesëve në këto zgjedhje ishte 1.412.680, kurse pjesmarrja në votime 49.52%. Këto zgjedhje u bënë me lista të mbyllura, dhe u votua vetëm për subjektin politik. Subjektet politike, i caktuan kandidatët e tyre në listë. Kishte një zonë elektorale (Kosova).U zgjodhën 100 deputet dhe,nuk kishte vendetë rezervuara. 1/3 e kandidatëve deputet, është përcaktuar në bazë të gjinisë sw kundërt. U votua në 1.662 vendvotime dhe kishte 557 qendra votuese. Për votim me nevoja të veqanta, u organizuan 86 ekipe për 5.306 votues. Këto zgjedhje i vëzhguan, 12.916 vëzhgues.
Zgjedhjet 2007
- Zgjedhjet për Kuvend të Kosovës
- Zgjedhjet për Kuvendet Komunale
- Zgjedhjet për Kryetar të Komunave
Zgjedhjet e vitit 2007, u mbajtën më 17 nëntor. Numri i votuesëve në këto zgjedhje ishte 1.454. 174. Kurse, më 8 dhjetor, u zhvillua rundi idytë për Kryetar të Komunave. Pjesmarrja në votime për Kuvendin e Kosovës: 54%. Për Kuvendet Komunale: 39.4%. Për Kryetar të Komunave: 395. Zgjedhjet për Kuvend të Kosovës, zgjedhjet për Kuvendet Komunale: votë për subjektin dhe votim deri në 10 kandidatë; zgjedhjet pë Kryetar të Komunave: votë vetëm për një kandidat, u zhvilluan me lista të hapura. Për herë të parë, u vendos ‘pragu elektoral’ prej 5%. Zgjedhjet për Kuvendin e Kosovës, u zhvilluan si një zonë elektorale. Zgjedhjet për Kuvendet Komunale, u zhvilluan në 30 zona elektorale. Dhe, zgjedhjet për Kryetar të Komunave, gjithashtu në 30 zona elektorale. Zgjedhjet siguruan 100 deputet ëpr Kuvendin e Kosovës, për Kuvendet Komunale 920 këshilltar, për Kryetar të Komunave 30 dhe, u bënë emërime në pesë komuna/ katër kryetar të komunave të emëruar. Vende të rezervuara për Kuvend të Kosovës: 20. Kurse 1/3 e kandidatëve, është përcaktuar në bazë të gjinisë së kundërt. Në këto zgjedhje, u votua në 2.323 vendvotime dhe, kishte 621 qendra votuese. Për votim me nevoja të veqanta, u organizuan 108 ekipe, për 6.372 votues. Këto zgjedhje i vëzhguan, 27.000 vëzhgues.
Numri i qytetarëve të Kosovës të cilët kanë votuar për kryetar komune, në total ka qenë gjithsejt: 612. 513. Pejsmarrja në votime në Kosovë ishte 41.74% kurse gjithsejt: 39.07%. Në Kosovë kanë votuar 607.022 veta. Fletvotime përmes postës ishin gjithsejt 5. 491. Gjatë votimit, janë numruar 589.050 fletvotime të vlefshme, ndërkaq 12.699 të pavlefshme ose 2.07%. Fletëvotime të paplotësuara, janë verifikuar 10.769 ose 1.76%.
ZGJEDHJET LOKALE 2009
(Disa nga aktivitetet e organizimit dhe mbajtjes së Zgjedhjeve Lokale 2009 nga Komisioni Qendror i Zgjedhjeve (KQZ), të parat zgjedhje të organizuara në mënyrë të pavarur pas shpalljes së pavarësisë së vendit )
Kryetari i Republikës së Kosovës, z. Fatmir Sejdiu, pas konsultimeve të vazhdueshme me subjektet relevante, ka dekretuar më 16 qershor, ditën e mbajtjes së Zgjedhjeve Lokale 2009. Zgjedhjet, janë mbajtur më 15 nëntor 2009. Komisioni Qendror i Zgjedhjeve, bazuar në Ligjin për Zgjedhjet Qendrore dhe Lokale, i ka implemetuar këto zgjedhje me sukses, të parat zgjedhje të organizuara në mënyrë të pavaruar pas shpalljes së Pavarësisë më 17 shkurt 2008. Anëtarët e Komisionit Qendror të Zgjedhjeve, stafi permanent dhe jo permanent i Sekretariatit të SKQZ-së, në vazhdimësi kanë ndërmarrë detyra dhe aktivitete të shumëta për t’i organizuar dhe mbajtur këto zgjedhje me sukses.
Organizimi dhe mbajtja e zgjedhjeve, është realizuar nga institucioni i pavarur KQZ me një varg të gjërë projektesh dhe operacionesh zgjedhore, takimesh dhe mbledhjesh të panumërta qoftë të KQZ-së dhe qoftë të SKQZ-së. Komisioni Qendror i Zgjedhjeve, ka punuar në faza të ndryshme: disa herë edhe jashtë orarit të rregullt të punës, përfshirë edhe ditët e pushimit javorë, duke demonstruar kështu mobilizim të plotë dhe të fuqishëm.
Disa nga aktivitetet kryesore të Komisionit Qendror i Zgjedhjeve
Pas dekretimit të zgjedhjeve më 16 qershor nga Presidenti, KQZ i ka filluar përgatitjet dhe planet operacionale. Afati i aplikimit për pjesmarrje të subjekteve politike në zgjedhje, ka qenë deri më 15 shtator. Kominioni Qendror i Zgjedhjeve në mbledhjen e 30-të, të mbajtur më 16.09.2009, e ka noftuar opinionin se për Zgjedhjet Lokale të 15 Nëntorit 2009, kanë aplikuar 76 subjekte politike. Nga këto, kushtet për të marrë pjesë në zgjedhje i kanë plotësuar 72 subjekte politike. Prej tyre: 37 parti politike, 15 kandidatë të pavarur, 18 inisiativa qytetare dhe 2 koalicione. Bazuar në aspektin e renditjes sipas përkatësisë nacionale: 34 subjekte kanë qenë shqiptare, 21 serbe, 7 boshnjake, 2 subjekte malaziase, 3 turke, 1 rome, 2 ashkali, 1 egjiptase dhe 1 subjekt nga komuniteti goran.
Certifikimi i subjekteve pjesmarrëse, është bërë sipas planit zgjedhor. KQZ ka zhvilluar një aktivitet të gjerë në akreditimin e vëzhguesëve, në përgatitjen e materialit të nevojshëm teknik zgjedhor, në aprovimin e mjeteve materiale, në përgatitjen e procesit të votimit etj. Gjatë gjithë procesit zgjedhor, janë mbajtur me dhjetra mbledhje. Në kuadër të aktiviteteve të veta, KQZ-së është bashkrenduar në veprimet e veta me institucionet vendore dhe ndërkombëtare, duke realizuar kështu shumë takime.
KQZ është takuar me Kryetarët e Gjykatave të Kosovës më 17 shtator, lidhur me implementimin e ligjit dhe përkrahjen e procesit zgjedhor. Takime janë bërë me drejtorin e Administratës Tatimore të Kosovës, z. Behxhet Haliti, e ku është kërkuar heqja e tatimeve për pagesat e KVV-e dhe të stafit teknik të angazhuar për zgjedhjet. Më 26.09.2009, KQZ-së e ka nënshkruar Memorandumin e Mirëkuptimit me Ministrin e Arsimit, të Shkencës dhe të Teknologjisë.
KQZ ka realizuar marrëveshje bashkpunimi me OSBE-në, USAID-in, IFES-in. Në cilësinë e kryesueses së KQZ-së, kryetarja Nesrin Lushta ka qenë e praishme në Konferencen e organizuar nga Komisioni i Pavarur për Media (KPM), lidhur me fushatën zgjedhore. Më 14 tetor, kryetarja Lushta, është takuar me përfaqësues të Institutit Nacionaldemokratik (NDI), me seli në Prishtinë. Më 14 tetor, kryetarja Lushta ka marrë pjesë në ceremoninë e nënshkrimit të Kodit të Mirësjelljes nga Partitë Politike që garojnë në zgjedhjet e 15 nëntorit, të cilën e ka organizuar nga Presidenti i Kosovës. Më 15 tetor, kryetarja Lushta, është takuar edhe me përfaqësuesit e ENEMO-s, të cilët kanë shprehur dëshirën për ti vëzhguar zgjedhjet.
Komisionin Qendror të Zgjedhjeve, e kanë vizituar shumë figura të larta vendore dhe ndërkombëtare. Më 22.10.2009, KQZ-në e ka vizituar Kryetari i Republikës z. Fatmir Sejdiu së bashku me Kryeministrin z. Hashim Thaçi dhe Ambasadorin e SHBA-ve z. Kristofer Dell. Më 4.11.2009, Komisionin Qendror të Zgjedhjeve, e ka vizituar shefi i ICO-së z. Pieter Feith.
Komisioni Qendror i Zgjedhjeve, u ka dërguar ftesën për t’i përcjellë zgjedhjet Komisioneve Zgjedhore të Shqipërisë, të Maqedonisë, të Bosnje Hercegovinës dhe të Malit të Zi për t’i vëzhguar zgjedhjet e 15 Nëntorit.
KQZ në kuadër të aktivitetit të vetë për organizimin dhe implementimin e zgjedhjeve, ka pasur bashkpunim të ngushtë gjatë gjithë procesit me organet e sigurisë: me Policinë e Kosovës, me KFOR-in dhe, me Policinë e EULEX-it.
Gjatë periudhës së Shërbimit Votues (1 - 15 shtator ), i kanë konfirmuar Qendrat e Votimit 2788 persona, kurse ndrrimet e qendrave i kanë bërë, 1550 persona me të drejtë vote. Gjithashtu, janë shpërndarë rreth 30.000 aplikacione për Votim me Postë. Më datën 21 shtator, është bërë shpërndarja e CD-ve me Listen Preliminare të LV të të gjitha partive politike, dhe më datën 22 shtator është bërë shprëndarja e CD-ve në të gjitha zyret e KKZ-ve (Komisionet Komunale Zgjedhore).
Hedhja e shortit për subjektet politike që kanë marrë pjesë në zgjedhje, është bërë më 2 tetor, në hotelin Grand. Bazuar në Ligjin mbi Zgjedhjet e Përgjithshme të Republikës së Kosovës (Nr.03/L-073), neni 24.1, tërheqja e shortit për renditjen e subjekteve Politike në Fletëvotim, është ngjarje publike ku secili subjekt politik që garon në zgjedhje, tërheq numrin identifikues përmes shortit.
KQZ-së, ka përgatitur me kohë Formularin e njoftimit për mbajtjen e tubimeve elektorale: Formulari ka përmbajtë datën, kohën e mbajtjes së tubimit, udhëzimin për dorëzimin e formularit te zyrtari ekzektiv, përfshirë edhe emrin dhe mbiemrin e personit të autorizuar të dorëzimit të formularit, informacionet lidhur me tubimin etj. Në periudhën prej datës 15 tetor, deri më datën 27 tetor, janë bërë 1033 kërkesa nga subjektet politike për tubime të ndryshme
KQZ ka implementuar disa projekte, si projekti ECMI për edukimin e Votuesve në komunat e reja, projektin e IFES-it lidhur me publikimin e rezultateve të zgjedhjeve përmes SMS-ve, draft-projektin për Votuesit e Verbër, të mundësuar nga Ambasada Gjermane në Prishtinë në vlerë prej 46050 euro, që u ka mundësuar rreth 5000 votuesëve të hendekipuar për të qenë pjesë e votimit. KQZ ka finalizuar edhe projektin e Qendres Mediale në Fakultetin Filologjik (UP), e destinuar për shprëndajen e informaciont për opinionin e gjerë dhe mediat. Qendra Mediale, ka qenë një donacion i Ambasades Gjermane në vlerë prej 40510 euro.
KQZ ka përgatitur dhe implementaur sistemin e votimit: Listën Votuese, Shërbimet Votuese, Periudhat e Konfirmimit dhe të Kundërshtimit, Votimin etj. Lidhur me rrjedhën e procesit, janë reailzuar trajnimet e Komisionerve të Vendvotimeve (KV-të) për të gjitha komunat. Fletvotimevt për zgjedhje, janë prodhuar në Slloveni nga kompania e mirënjohur “Cetis”. Prodhimi i LPV-ve, është bërë nga kompania Dukagjini. Prodhimi i materialit zgjedhor ( llampat, spreji i gishtit, kabinat e votimit dhe lidhëset e sigurisë), është bërë nga kompania “Kopenhagen Elecion A/S”, nga Danimarka. Qendra e Numrimit (QNR), ka qenë një nga mekanizmat e rëndësishëm të zgjedhjeve.
Pjesmarrja e qytetarëve në votime
Lista Përfundimtare Votuese për Zgjedhjet Lokale 2009, është përbërë nga 1.563.741 votues të ndarë në 36 komuna, në 746 qendra votimi dhe, në 2256 vendvotime. Numri i vëzhguesve të akredituar, ka arritur në 19.576 vëzhgues.
Në zgjedhjet e 15 Nëntorit ( në nivel vendi ), rezultati i daljes së qytetarëve me të drejtë vote në zgjedhje ka qenë: 45.36% ose, 709.362 votues. Komisioni Qendror i Zgjedhjeve, e ka bërë certifikimin e rezultateve për Kandidatët për Kryetar të Komunave dhe Kandidatët për Këshilltar Komunal, në bazë të nxjerrjes së rezultateve nga QNR dhe, duke u bazuar plotësisht në Ligjin për Zgjedhjet.
Nga rezultatet e zgjedhjeve të 15 Nëntorit, në Raundin e Dytë të Zgjedhjeve kanë shkuar 21 komuna. Rundi i Dytë (balotazhi) për Kryetar Komune, është mbajtur më 13 dhjetor / 2009.
Rivotimi
Komisioni Qendror i Zgjedhjeve, në mbledhjen e mbajtur më 21.12.2009 ka shqyrtuar vendimin e Komisionit Zgjedhor për Ankesa dhe Parashtresa (KZAP), lidhur me Raundin e Dytë të Zgjedhjeve. KZAP, ka udhëzuar KQZ-në që me vendimin A nr. 508/ 2009, të urdhëroj ripërsëritjen e votimeve për Kryetar Komune në Lipjan, Prizren dhe Gjilan. Në mbledhjen e mbajtur më 22.12.2009, KQZ në shqyrtim të udhëzimit të KZAP-it, ka marrë vendim që zgjedhjet të mbahen në komunën e Prizrenit (8 vota për, 2 kundër dhe 1 apstenim), dhe në komunën e Lipjanit ( 8 vota për, 2 vota kundër dhe, 1 apstenim). Për komunën e Gjilanit, është marrë vendim që të mos përsëriten zgjedhjet por që të hetohen dhe rinumrohen votat nga QNR (6 vota për, 2 vota kundër dhe, 3 apstenime ).
Rivotimi në komunën e Prizrenit dhe të Lipjanit, është mbajtur më 31.01.2010. Ndërsa, edhe pas rinumrimit të votave nga QNR për komunën e Gjilanit, është vendosur që përsëri të rivotohet edhe në këtë komunë. Rivotimi në komunën e Gjilanit, është zhvilluar më 14 mars.
Organizimi i zgjedhjeve të jashtzëakonshme
Në praktikën e përgatitjes dhe mbajtjes së zgjedhjeve, KQZ është ballafaquar edhe me mbajte të zgjedhjeve të jashtzëakonshme. Kjo ka ndodhur për herë të pare, me rastin e vdekjes së Kryetarit të Komunës së Istogut z. Fadil Ferati. Zgjedhjet e këtilla, janë organizuar dhe mbajtur më 11 prill (2010).
KQZ, i ka organizuar zgjedhjet edhe në komunën e Parteshit, si një nga komunat e reja, e banuar me minoritetin serbë. Këto zgjedhje janë organizuar më 20 qershor (2010), përfshirë edhe procesin e balotazhit, më 18 korrik.
|
